మెగాస్టార్ చిరంజీవి ప్రస్తుతం కొరటాల శివ దర్శకత్వంలో 'ఆచార్య'(వర్కింగ్ టైటిల్)లో నటిస్తున్నారు. ఈ చిత్రం తర్వాత నటించే మూడు సినిమాలపై ఇటీవలే క్లారిటీ ఇచ్చారు. 'సాహో' దర్శకుడు సుజిత్, బాబీ, మెహర్ రమేశ్ దర్శకత్వంలో నటించనున్నట్లు తెలిపారు. మలయాళ సినిమా 'లూసిఫర్' రీమేక్కు దర్శకత్వం వహిస్తున్న సుజిత్ ఇప్పటికే స్క్రిప్ట్ వర్క్ మొదలు పెట్టారు. మాతృకలో మోహన్లాల్ ప్రధానపాత్ర పోషించారు.
పొలిటికల్, యాక్షన్ కథాంశంతో రూపొందిన ఈ చిత్రంలో మోహన్లాల్ పాత్రకు హీరోయిన్ లేదు. అందువల్ల రీమేక్లోనూ హీరోయిన్ లేకపోతే కమర్షియల్గా వర్కౌట్ కాదని సినీవర్గాలు చర్చించుకుంటున్నాయి. అయితే రీమేక్లో సుజిత్ హీరోయిన్ పాత్రను సృష్టిస్తారా? లేక ఐటెం సాంగ్తో సరిపెడతారా? అనేది చూడాలి.
ఇదీ చూడండి.. పేద దర్శకుల కుటుంబాలకు రజనీ సాయం
