హీరోయిన్ సమంత హోస్ట్గా చేస్తున్న 'సామ్ జామ్' టాక్ షోకు మెగాస్టార్ చిరంజీవి విచ్చేశారు. ఆ ఎపిసోడ్ శుక్రవారం నుంచి 'ఆహా' ఓటీటీలో స్ట్రీమింగ్ అవుతోంది. ఇందులో సమంత-వైవా హర్ష కలిసి అడిగిన ప్రశ్నలకు చిరు ఆసక్తికర సమధానాలు చెప్పారు. "మీరు ఎన్నో హిట్ సినిమాలు చేశారు. ఒకవేళ వాటిని రీమేక్ చేస్తే ఏ హీరోలకు సెట్ అవుతుంది?" అని హర్ష అడిగిన ప్రశ్నకు చిరు కథానాయకుల పేర్లు చెప్పారు.
- జగదేకవీరుడు అతిలోకసుందరి - చరణ్, మహేశ్
- ఆపద్భాందవుడు - చిరంజీవి(తానే)
- ఠాగూర్ - పవన్కల్యాణ్
- ఇంద్ర - ప్రభాస్
- గ్యాంగ్లీడర్ - ఎన్టీఆర్
- ఛాలెంజ్ - అల్లుఅర్జున్, విజయ్దేవరకొండ
- ఘరానా మొగుడు- రవితేజ, అల్లుఅర్జున్
'ఆచార్య' చిత్రీకరణలో మెగాస్టార్ చిరంజీవి బిజీగా ఉన్నారు. ఇందులో రామ్చరణ్ కీలక పాత్ర పోషిస్తుండగా, కాజల్ హీరోయిన్గా నటిస్తోంది. మణిశర్మ సంగీత దర్శకుడు. కొరటాల శివ దర్శకత్వం వహిస్తున్నారు. వచ్చే వేసవిలో థియేటర్లలో ఈ చిత్రం విడుదల కానుంది.
ఇదీ చూడండి : కళ్లకు గంతలు కట్టుకుని చిరు దోశ ఛాలెంజ్!
