సమకాలీన అగ్రశ్రేణి హీరోలైన మెగాస్టార్ చిరంజీవి, నటసింహం బాలకృష్ణ ఎప్పుడు కలిసినా ప్రత్యేకమే. దశాబ్దాలుగా స్టార్ కథానాయకులుగా కొనసాగుతున్నారు. అయితే వీరిద్దరూ కలిసున్న ఓ ఫొటో ఇటీవలే వైరల్గా మారింది. 'సైరా' సన్మాన కార్యక్రమంలో దిగినదే ఈ ఫొటో అంటూ సోషల్ మీడియాలో చర్చించుకుంటున్నారు. ఈ విషయంపై ఎట్టకేలకు స్పష్టత వచ్చింది.
ఇటీవలే హైదరాబాద్లోని పార్క్ హయత్ హొటల్లో ప్రముఖ దర్శకుడు కోడిరామకృష్ణ కుమార్తె దివ్య నిశ్చితార్థం జరిగింది. ఈ వేడుకకు అనేక మంది సినీ ప్రముఖులు హాజరయ్యారు. వీరితో పాటే విచ్చేసిన చిరు, బాలయ్య.. ఆత్మీయంగా పలకరించుకుని అనేక విషయాలు చర్చించుకున్నారు. బాలకృష్ణ.. 'సైరా' విశేషాలు అడిగి తెలుసుకోగా, బాలయ్య చేస్తున్న కొత్త చిత్రం గురించి మెగాస్టార్ వాకబు చేశారు.
అదే రోజు 'సైరా' చిత్రబృందాన్ని సన్మానించారు ప్రముఖ రాజకీయ నాయకుడు టి.సుబ్బిరామిరెడ్డి. ఈ రెండు ఈవెంట్స్ ఒకే హొటల్లో జరిగాయి. ఈ కారణంతో అభిమానులు కొంత గందరగోళానికి గురయ్యారు.
ఇది చదవండి:క్రికెటర్ శ్రీశాంత్తో హన్సిక రొమాన్స్..!
