మెగాస్టార్ చిరంజీవి నటిస్తున్న చిత్రం 'ఆచార్య'. కొరటాల శివ దర్శకత్వం వహిస్తున్నాడు. ఈ సినిమా ఫస్ట్లుక్ను విడుదల చేసేందుకు చిత్రబృందం సిద్ధమవుతోంది. వచ్చే నెల 2న శ్రీరామనవమి సందర్భంగా అభిమానులతో పంచుకోనుందని సమాచారం.
ఫస్ట్లుక్ను తొలుత ఉగాదికే విడుదల చేయాలని అనుకున్నారు. కానీ అదే రోజు చిరు ట్విట్టర్లోకి ఎంట్రీ ఇవ్వడం, 'ఆర్ఆర్ఆర్' మోషన్ పోస్టర్ విడుదల కావడం వల్ల తన ఆలోచనను చిరు మార్చుకున్నారట. బదులుగా రామనవమికి తీసుకురావాలని భావించారు.
కరోనా వల్ల ఈ సినిమా షూటింగ్ ఇప్పటికే నిలిచిపోయింది. దీని ప్రభావం చిత్ర విడుదలపైనా పడే అవకాశముంది. మరి ముందుగా అనుకున్నట్లు ఆగస్టులో వస్తుందా? ముందుకు జరుగుతుందా అనేది చూడాలి.
