'క్రాక్' చిత్రంపై మెగాస్టార్ చిరంజీవి ప్రశంసలు కురిపించారు. దర్శకుడు గోపీచంద్ మలినేనిని తన ఇంటికి పిలిచి మరీ మెచ్చుకున్నారు. ఇందుకు సంబంధించిన ఓ ఫొటోను సదరు డైరెక్టర్ ట్వీట్ చేశారు.
చిరు నుంచి ప్రశంస లభించడం కమర్షియల్ విజయానికి నిజమైన ప్రతీక అని గోపీచంద్ ట్విట్టర్లో రాసుకొచ్చారు. ఆయనతో మాట్లాడటం ఓ ఎడ్యుకేషన్ లాంటిదని, ఎన్నో ముఖ్యమైన విషయాలు తెలుసుకోవచ్చని తెలిపారు.
రవితేజ, శ్రుతిహాసన్ హీరోహీరోయిన్లుగా నటించిన ఈ సినిమా.. సంక్రాంతి కానుకగా జనవరి 9న థియేటర్లలో విడుదలైంది. మాస్ అభిమానులతో పాటు అందరినీ ఆకట్టుకుంటూ కలెక్షన్లు సాధిస్తోంది.
ఇవీ చదవండి:
