ఇటీవల కాలంలో వరుస అపజయాలతో సతమతమైన దర్శకుడు మారుతి.. గతేడాది చివర్లో వచ్చిన 'ప్రతిరోజూ పండగే'తో మళ్లీ విజయాన్ని అందుకున్నాడు. సాయి తేజ్, రాశీఖన్నా జంటగా నటించిన ఈ చిత్రం.. కుటుంబ ప్రేక్షకులతో పాటు యువతను అలరించింది. బాక్సాఫీస్ వద్ద రూ.40 కోట్ల పైగా కలెక్షన్లు సాధించింది.
వినోదాన్ని మేళవించి, సందేశాత్మక చిత్రాలను తీసే దర్శకుడు మారుతి అలాంటి మరో కథను ఇప్పుడు సిద్ధం చేశాడట. ఇందులో విజయ్ దేవరకొండ హీరో అని ప్రచారం సాగుతోంది. మరి ఇందులో నిజమెంతో తెలియాలంటే కొద్దిరోజులు ఆగాల్సిందే.
విజయ్ చెప్పినట్లే చేస్తున్నాడా?
విజయ్ దేవరకొండ.. ఇటీవలే జరిగిన 'వరల్డ్ ఫేమస్ లవర్' ప్రీరిలీజ్ వేడుకలో మాట్లాడుతూ ఇకపై ప్రేమ కథా చిత్రాల్లో నటించనని, ఇదే తన లవ్స్టోరీ అని అన్నాడు. ఈ నేపథ్యంలో దర్శకుడు మారుతి పేరు తెరపైకి రావడం చర్చనీయాంశమైంది.
ఇదీ చూడండి.. 'రైళ్లలో పాటలు పాడుతూ డబ్బు సంపాదించేవాడిని'
