రెబల్స్టార్ ప్రభాస్ (Prabhas) హీరోగా నటిస్తున్న చిత్రం 'ఆదిపురుష్'(Adipurush). రామాయణం ఆధారంగా తెరకెక్కుతున్న ఈ సినిమాకు ఓం రౌత్‌ దర్శకత్వం వహిస్తున్నారు. ఇప్పటికే ఈ చిత్రంలోని పలు పాత్రలను పరిచయం చేసిన దర్శకుడు.. హనుమాన్ పాత్రను ఇంకా పరిచయం చేయలేదు.
దీంతో ఈ రోల్లో ఎవరు నటిస్తారా అనే ఆసక్తి అభిమానుల్లో మొదలైంది. ఈ క్రమంలోనే మరాఠీ నటుడు దేవదత్త నాగె పేరు తెరపైకి వచ్చింది. ఆయనే ఆంజనేయుడిగా కనిపించబోతున్నట్లు సోషల్మీడియాలో పోస్టులు కనపడుతున్నాయి. ఆయన వికీపీడియాలో కూడా 'ఆదిపురుష్'లో హనుమాన్గా కనువిందు చేయనున్నట్లు చూపిస్తుంది. నాగె కూడా కండలు తిరిగన దేహంతో వాయుపుత్రుడు పాత్రకు సరిగ్గా సరిపోయేలా ఉన్నారు. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
దేవదత్త నాగె.. పలు సీరియల్స్లో నటించారు. 'జై మల్హర్' ధారావాహికలో 'ఖన్దోబా' పాత్రతో బుల్లితెరపై మంచి క్రేజ్ సంపాదించుకున్నారు. 'సంఘర్ష్', 'వన్స్ అపాన్ ఏ టైమ్ ఇన్ ముంబయి, 'దోబారా', 'సత్యమేవ జయతే', 'తాన్హాజీ' సినిమాల్లోనూ నటించారు.
'ఆదిపురుష్'లో ప్రభాస్(రాముడు), కృతి సనన్(సీత), సన్నీ సింగ్(లక్ష్మణుడు), సైఫ్ అలీఖాన్‌(రావణ్) పాత్రల్లో నటిస్తున్నారు. ఈ ఏడాది ఫిబ్రవరిలో సినిమా షూటింగ్ ముంబయిలో ప్రారంభమైంది. అక్కడ కొంతమేర జరిగినప్పటికీ కరోనా సెకండ్ వేవ్ ప్రభావంతో వాయిదా పడింది. ఇప్పుడు ఈ మహమ్మారి తగ్గుముఖం పడటం వల్ల త్వరలోనే షూటింగ్ తిరిగి మొదలుకానుంది.
ఇదీ చూడండి:
