టోక్యో ఒలింపిక్స్లో రజత పతకాన్ని గెలుచుకున్న మహిళా వెయిట్లిఫ్టర్ మీరాబాయ్ చాను బయోపిక్కు రంగం సిద్ధమైంది. ఆమె జీవితాధారంగా సినిమాను రూపొందించనున్నట్లు మణిపుర్కు చెందిన ఓ చిత్ర నిర్మాణసంస్థ ప్రకటించింది.
స్యూటీ ఫిల్మ్స్ ప్రొడక్షన్ కంపెనీ ఛైర్మన్ మనోబి ఎమ్.ఎమ్. మాట్లాడుతూ.."మీరాబాయి చాను జీవితంలోని అనేక సంఘటనల ఆధారంగా మేం ఓ సినిమా రూపొందించనున్నాం" అని ఇటీవలే ప్రకటన చేశారు. ఈ నేపథ్యంలో మీరాబాయి చానుతో నిర్మాణ సంస్థ ఒప్పందం కుదుర్చుకుందని తెలుస్తోంది. ఈ చిత్రానికి సంబంధించిన స్క్రీన్ప్లే, డైలాగ్స్ను మనోబి ఎమ్.ఎమ్. అందించనుండగా.. ఓ.సి. మీరా దర్శకత్వంలో ఆర్.కె. నళిని దేవి నిర్మించనున్నారు.
ఇదీ చూడండి.. ఇంటికి చేరిన మీరా.. మణిపూర్లో ఘన స్వాగతం
