ప్రచార చిత్రాలతో అలరిస్తోన్న 'వన్', 'ఇష్క్'

మమ్ముట్టి ప్రధానపాత్రలో నటించిన మలయాళీ చిత్రం 'వన్' తెలుగు ప్రచార చిత్రం విడుదలై ఆకట్టుకుంటోంది. అలాగే తేజ సజ్జా, ప్రియా వారియర్ జంటగా తెరకెక్కిన 'ఇష్క్' రిలీజ్ ట్రైలర్ సినిమాపై అంచనాల్ని పెంచుతోంది. సాయికుమార్ నటించిన 'వన్ బై టూ' టీజర్ అలరిస్తోంది.

అప్డేట్స్

Published : Jul 27, 2021, 3:36 PM IST

రాజకీయ కథ నేపథ్యంలో ప్రముఖ నటుడు మమ్ముట్టి నటించిన మలయాళీ చిత్రం 'వన్‌'. సంతోష్‌ విశ్వనాథ్‌ దర్శకత్వంలో వచ్చిన ఈ సినిమా మలయాళీ ప్రేక్షకుల్ని విశేషంగా ఆకట్టుకుంది. ఇప్పుడు తెలుగు వారిని అలరించేందుకు సిద్ధమవుతోంది. ప్రముఖ ఓటీటీ 'ఆహా'లో జులై 30 నుంచి స్ట్రీమింగ్‌ కానుంది. ఈ నేపథ్యంలో తెలుగు ట్రైలర్‌ విడుదలైంది. ఇందులో తెలంగాణ ముఖ్యమంత్రి కల్లూరి చంద్రం పాత్రలో కనిపించారు మమ్ముట్టి. సీఎంగా ఆయన నటన, గెటప్‌ ఆకట్టుకుంటున్నాయి. అధికార పార్టీ, ప్రతిపక్షాల మధ్య సాగే సంభాషణలు మెప్పిస్తున్నాయి.

" class="align-text-top noRightClick twitterSection" data="">

తేజ సజ్జా, ప్రియా ప్రకాశ్‌ వారియర్‌ జంటగా నటించిన చిత్రం 'ఇష్క్‌'. నాట్‌ ఏ లవ్‌ స్టోరీ అనేది ఉపశీర్షిక. యస్‌.యస్‌.రాజు దర్శకత్వం వహించారు. ఈ చిత్రం జులై 30న థియేటర్లలో విడుదల కానుంది. ఈ నేపథ్యంలో రిలీజ్‌ ట్రైలర్‌ని విడుదల చేసింది చిత్ర బృందం. రొమాంటిక్‌, థ్రిల్లింగ్‌ సన్నివేశాలతో తీర్చిదిద్దిన ఈ వీడియో ఆద్యంతం ఆసక్తిగా సాగింది. "నాకొక ఫైవ్‌ మినిట్స్‌ కావాలి" అని కీలక సన్నివేశంలో తేజ చెప్పిన డైలాగ్‌ సినిమాపై ఆసక్తిని పెంచుతోంది.

" class="align-text-top noRightClick twitterSection" data="">

సాయికుమార్ ప్రధానపాత్రలో శివ ఏటూరి తెరకెక్కించిన చిత్రం 'వన్ బై టూ'. నేడు సాయికుమార్ పుట్టినరోజు సందర్భంగా ఈ సినిమా టీజర్ను విడుదల చేసింది చిత్రబృందం. నేటి సమాజంలో అమ్మాయిలపై జరుగుతోన్న దాడులను ఖండిస్తూ రూపొందించిన ఈ చిత్రం త్వరలోనే విడుదల కానుంది.