Sony PlayStation: గేమింగ్ లవర్స్కు బ్యాడ్ న్యూస్. సోనీ మోస్ట్ పవర్ఫుల్ ప్లేస్టేషన్ ఇండియాలో లాంచ్ చేయట్లేదని కంపెనీ వెల్లడించింది. నియంత్రణ పరిమితుల కారణంగా సోనీ ప్లే స్టేషన్ 5 ప్రో భారతదేశానికి రావడం లేదని ఎలక్ట్రానిక్స్ దిగ్గజం స్పష్టం చేసింది. కంపెనీ PS5 ప్రో ఈ సంవత్సరం సెప్టెంబర్‌లో మొదటిసారిగా మార్కెట్లోకి పరిచయం చేసింది. ఇందులో అడ్వాన్స్డ్ రే-ట్రేసింగ్, AI అప్స్కేలింగ్ క్యాపబిలిటీస్ సపోర్ట్తో పవర్ఫుల్ గ్రాఫిక్స్ చిప్‌ను అమర్చారు.
"6GHz వైర్‌లెస్ బ్యాండ్‌ని ఉపయోగించే కొన్ని దేశాల్లో (ప్రస్తుతం ఇండియాతో సహా) PS5 ప్రో అందుబాటులో ఉండదు. IEEE 802.11be (Wi-Fi 7) ఇంకా అనుమతులు లభించలేదు." అని సోనీ తెలిపింది.
కాగా గేమర్స్‌ ఎప్పుడెప్పుడా అని ఎంతో కాలంగా ఎదురు చూడగా ఇటీవలే సోనీ PS5 ప్రోని గ్లోబల్ మార్కెట్‌కు పరిచయం చేసింది. అనుభవజ్ఞులైన గేమర్లు లేదా కొత్తగా ఈ తరహా ఆన్‌లైనింగ్‌ గేమ్స్‌ ఆడేందుకు ఆసక్తిగా ఉన్నవాళ్ల కోసం అదిరిపోయే ఫీచర్లతో దీన్ని ఆవిష్కరించింది. కంపెనీ దీన్ని పీఎస్ 5 అప్‌గ్రేడెడ్ వెర్షన్‌గా తీసుకొచ్చింది. రే ట్రేసింగ్, ఏఐ అప్స్కేలింగ్ కెపబిలిటీ ఉండేలా, పవర్ఫుల్ గ్రాఫిక్స్ చిప్‌ను ఇందులో అమర్చారు. అయితే ఈ ప్లేస్టేషన్‌ను భారత్‌లో ప్రారంభించబోమని సోనీ తెలిపింది. అయితే ఇది ప్రస్తుతం ఎంపిక చేసిన మార్కెట్లలో $699.99కి రిటైల్ అవుతుంది.
"మేము తయారు చేసిన కన్సోల్‌లలో ఇది మోస్ట్ పవర్ ఫుల్. సాధారణ పీఎస్ 5తో పోలీస్తే గ్రాఫిక్స్ రెండరింగ్‌లో PS5 ప్రో 45 శాతం వేగంగా పనిచేస్తుంది. పనితీరు మోడ్‌లో AAA టైటిల్స్ను హ్యాండిల్ చేసేందుకు దీన్ని తీసుకొచ్చాం" అని సోనీ ప్లేస్టేషన్ సిస్టమ్ ఆర్చిటెక్ట్‌ మార్క్‌ సెర్నీ పేర్కొన్నారు.
కంపెనీ లిమిటెడ్ ఎడిషన్ ప్లేస్టేషన్ 5, ఇప్పుడు ఇండియాలో అందుబాటులో ఉన్న యాక్ససరీస్ను ప్రకటించింది. లిమిటెడ్ ఎడిషన్ PS5 గ్రే కలర్‌లో వస్తుంది. దీని ఒరిజినల్ ప్లేస్టేషన్ 1994లో ప్రారంభించారు. ఈ ఏడాది డిసెంబర్‌లో 30వ వార్షికోత్సవాన్ని పూర్తి చేసుకోనున్న పాపులర్ కన్సోల్ సిరీస్‌కు సీక్వెల్ విడుదలైంది. ఇప్పటికే PS5 ఉన్నవారికి PS5 30వ వార్షికోత్సవ లిమిటెడ్ ఎడిషన్‌లో ఎక్కువ ఆప్షన్స్ అందుబాటులో ఉండవు.
చిన్నారులు రోజులో మూడు గంటలు బాని'సెల్'- సర్వేలో షాకింగ్ విషయాలు!
ఐటెల్ నుంచి కొత్త స్మార్ట్ఫోన్లు- తక్కువ ధరలో ఊహకందని ఫీచర్లతో లాంచ్!
