ట్రెండింగ్​లో 'గేమ్​ఛేంజర్' టీజర్ - 24గంటల్లోనే 55 మిలియన్ వ్యూస్!

ట్రెండింగ్​లో గేమ్​ఛేంజర్ టీజర్ - 24గంటల్లోనే 55 మిలియన్ వ్యూస్!

Game Changer Teaser : గ్లోబల్ స్టార్ రామ్‌చరణ్‌ లీడ్ రోల్​లో దిగ్గజ దర్శకుడు శంకర్‌ తెరకెక్కించిన సినిమా 'గేమ్‌ ఛేంజర్‌'. భారీ బడ్జెట్‌తో రూపొందుతున్న ఈ సినిమా 2025 జనవరి 10న రిలీజ్ కానుంది. ఈ నేపథ్యంలో మేకర్స్​ శనివారం ఉత్తర్​ప్రదేశ్ లఖ్​నవూలో టీజర్‌ రిలీజ్ ఈవెంట్ నిర్వహించారు. ఈ ఈవెంట్​లోనే టీజర్ రిలీజ్ చేశారు.

1.30 నిమిషాల నిడివి ఉన్న ఈ టీజర్​కు భారీ స్థాయిలో రెస్పాన్స్ వస్తోంది. హీరో రామ్​చరణ్ లుక్స్, డైలాగ్స్, హెవీ బీజీఎమ్​ ఉన్న ఈ టీజర్​ ప్రేక్షకులను విపరీతంగా ఆకట్టుకుంటోంది. యూట్యూబ్​లో మిలియన్లకొద్దీ వ్యూస్​తో టాప్ ట్రెండింగ్​లో దూసుకుపోతోంది. 24 గంటల్లో అన్ని భాషల్లో కలిపి గేమ్​ఛేంజర్ 55 మిలియన్ వ్యూస్ దక్కించుకుంది. ఈ విషయాన్ని తెలియజేస్తూ మేకర్స్ ఓ స్పెషల్ పోస్టర్​ను సోషల్ మీడియాలో షేర్ చేశారు.

సినిమాలో రామ్ చరణ్ డ్యుయెల్ రోల్​లో కనిపించనున్నారు. కాలేజీ స్టూడెంట్ నుంచి ఐఏఎస్ ఆఫీసర్‌గా మారిన రామ్ చరణ్, ప్రత్యర్థులను ఎలా ఎదుర్కొన్నాడు అనేది ఈ సినిమా కథగా చూపించనున్నట్లు అర్థమవుతోంది. కాలేజీ లైఫ్​లోనే లవ్ ట్రాక్, ఫ్రెండ్స్ గ్యాంగ్, కామెడీ సీన్స్​ లాంటి అంశాలను కూడా చూపించనున్నారు. ఇక మొదటగా హెవీ క్రౌడ్, స్లో బీజీఎమ్​తో టీజర్​ మొదలైంది.

Crazy 55 Million+ Views ♥️
Off the charts, right into the audience’s hearts😍#GameChangerTeaser 💥

🔗 https://t.co/ihtvtgPel9

In cinemas worldwide from 10th Jan.

GlobalStar @AlwaysRamCharan @shankarshanmugh @advani_kiara @yoursanjali @iam_SJSuryah @MusicThaman @actorsrikanth… pic.twitter.com/dQmzVtVtFU

— Sri Venkateswara Creations (@SVC_official) November 10, 2024

ఆ తర్వాత 'బేసిక్​గా రామ్ అంత మంచోడు ఇంకోకడు లేడు, కానీ వాడికి కోపం వస్తే వాడంతా చెడ్డొడు ఇంకోడు ఉండడు' అనే డైలాగ్​తో రామ్​ చరణ్​ ఎంట్రీని చూపించారు. ఆ తర్వాత కొన్ని యాక్షన్ సన్నివేశాలు, ఫైట్ సీన్స్​ చూపిస్తూనే పాటూ రామ్ చరణ్ ఫ్లాష్ బ్యాక్ గెటప్​ను కూడా చూపించారు. పొలిటికల్ యాక్షన్ అంశాలతో టీజర్ ఫుల్ ఎంటర్టైనింగ్​గా ఉంది.

కాగా, సినిమాలో బాలీవుడ్ బ్యూటీ కియారా అడ్వాణీ హీరోయిన్​గా నటించింది. సీనియర్ నటులు యస్ జే సూర్య, శ్రీకాంత్ , అంజలీ, సముద్రఖని, నవీన్ చంద్ర తదితరులు కీలక పాత్రల్లో కనిపించనున్నారు. శ్రీ వేంకటేశ్వర క్రియేషన్స్‌ బ్యానర్​పై దిల్‌ రాజు దీనిని నిర్మిస్తున్నారు. తమన్ సంగీతం అందించారు.