Prabhas Salar Prithviraj: 'కేజీఎఫ్' ఫేం ప్రశాంత్నీల్ దర్శకత్వంలో హీరో ప్రభాస్ నటిస్తున్న సినిమా 'సలార్'. ప్రస్తుతం షూటింగ్ జరుపుకుంటోన్న ఈ చిత్రం గురించి ఓ ఆసక్తికర విషయం చెప్పారు డార్లింగ్. ఈ మూవీలో మలయాళ స్టార్ పృథ్వీరాజ్ సుకుమారన్ ఓ కీలక పోషిస్తున్నారని తెలిపారు. తన తాజా చిత్రం 'రాధేశ్యామ్' ప్రమోషన్ ఈవెంట్లో భాగంగా ఓ విలేకరి అడగిన ప్రశ్నకు ఈ సమాధానం చెప్పారు.
ఈ చిత్రం అన్ని భాషల్లో భారీ విజయాన్ని అందుకుంటుందని ప్రభాస్ ఆశాభావం వ్యక్తం చేశారు. "సినిమా స్క్రిప్ట్, తన పాత్ర పృథ్వీరాజ్కు నచ్చడం వల్ల వెంటనే ఒప్పేసుకున్నారు. అతనికి కృతజ్ఞతలు." అని డార్లింగ్ అన్నారు. కాగా, 'సలార్' సినిమాలో శ్రుతిహాసన్ హీరోయిన్గా నటిస్తుండగా.. జగపతిబాబు కీలక పాత్ర పోషిస్తున్నారు. రవి బస్రూర్ స్వరాలు సమకూరుస్తున్నారు.
'రాధేశ్యామ్' ప్రపంచవ్యాప్తంగా మార్చి 11న ప్రేక్షకుల ముందుకు రానుంది. ఈ మూవీకి రాధాకృష్ణ దర్శకుడిగా వ్యవహరించగా.. పూజాహెగ్డే హీరోయిన్గా నటించింది.
- " class="align-text-top noRightClick twitterSection" data="">
ఇదీ చూడండి: హీరోయిన్ల జోరు.. వరుస సినిమాలతో హోరు
