Malavika Mohanan: పాన్ ఇండియా స్టార్ ప్రభాస్ తదుపరి చిత్రంలో కథానాయికగా నటిస్తున్నట్లు తెలిపారు నటి మాళవిక మోహనన్. కమర్షియల్ ఎంటర్టైనర్గా తెరకెక్కుతున్న ఈ చిత్రంలో ముగ్గురు హీరోయిన్లు నటిస్తున్నట్లు తెలుస్తోంది. తాజాగా తమిళ మీడియాతో మాట్లాడిన ఆమె ఈ విషయంపై స్పందించారు.
"తెలుగు చిత్రంలో నా భాగస్వామ్యంపై ప్రస్తుతం చర్చలు జరుగుతున్నాయి. ఈ భారీ తెలుగు చిత్రంలో నటిస్తున్నాను. ఈ సమయంలో ఎలాంటి విషయాలు బయటపెట్టను కానీ ఈ ప్రాజెక్ట్ త్వరలోనే ప్రారంభం అవుతుంది."
-మాళవిక మోహనన్
మారుతి దర్శకత్వంలో వస్తున్న ఈ ప్రాజెక్ట్కు 'రాజాడీలక్స్' అనే పేరును పరిశీలిస్తున్నారు మేకర్స్. ఈ సినిమాపై చిత్ర యూనిట్ త్వరలోనే అధికారిక ప్రకటన చేయనుంది. కామెడీ ఎంటర్టైనర్గా వస్తున్న ఈ చిత్రాన్ని 'ఆర్ఆర్ఆర్' ప్రోడ్యూసర్ డీవీవీ దానయ్య నిర్మించనున్నారు. ప్రభాస్ అభిమానులకు హోలీ కానుకగా మార్చి 18న ఈ చిత్రంపై అధికారిక ప్రకటన చేయనున్నట్లు తెలుస్తోంది.
ఈ చిత్రంలో 'ఉప్పెన' ఫేమ్ కృతి శెట్టి ముఖ్య పాత్రలో నటిస్తుండగా.. మాళవిక, 'పెళ్లి సందడీ' హీరోయిన్ శ్రీలీల ప్రధాన పాత్రలో నటిస్తున్నట్లు తెలుస్తోంది.
ఇదీ చదవండి: గరికపాటిని నా సినిమా చూడమని చెప్పండి: పూనమ్ కౌర్.
