'దిల్‌ సే' చిత్రంలో 'ఛయ్యా ఛయ్యా' అంటూ బాలీవుడ్‌లో ఐటెమ్‌ భామగా అరంగేట్రం చేసిన నటి మలైకా అరోరా. నటిగానే కాకుండా పలు టీవీ డ్యాన్స్ షోలకు జడ్జిగా వ్యవహరిస్తూ సందడి చేస్తోంది. ఈ అమ్మడు 3 యోగాసనాలు వేసి వాటి గురించి వివరిస్తున్న వీడియోను ఇటీవలే తన ఇన్స్టాగ్రామ్లో పోస్ట్ చేసింది. రోజూ ఇంట్లో ఉండే అమ్మలు ఈ మూడు ఆసనాలు సాధన చేస్తే మంచిదని తెలిపింది.
- " class="align-text-top noRightClick twitterSection" data="
">
"రిలాక్స్, ప్రశాంతతమైన అనుభూతి చెందేందుకు మీరు అర్హులు. మీరు వృక్షాసన, త్రికోణాసన, ఉత్కాసన ఈ మూడు ఆసనాలు వేయండి.
1.వృక్షాసనం: ఒక కాలు మీద నిలబడి తమను తాము సమతుల్యం చేసుకుంటూ, చేతులను నేరుగా పైకి చాచాలి. శారీరక, మానసిక భావోద్వేగాల సమతుల్యతను కాపాడుతుంది.
2.త్రికోణాసన: ఇందులో తమ కాళ్లను చాచి కుడి పాదాన్ని కుడి చేతితో తాకి, ఎడమ చేతిని పైకి లేపాలి. ఈ ఆసనం ముఖ్యంగా పిల్లలకు పాలిచ్చే తల్లులకు సహాయపడుతుంది.
3.ఉత్కాసన: ఇందులో మోకాళ్లను కాస్త కిందకు వంచి నిలబడాలి. పైభాగాన్ని నిటారుగా ఉంచి వారి చేతులను ఒక చోట చేర్చాలి. ఈ ఆసనం మొత్తం శరీరంలో బలాన్ని పెంచుతుంది, ముఖ్యంగా వెనుక కండరాలను భుజాలలో మధ్య ఉన్న దాన్ని గట్టి పరుస్తుంది."
- మలైకా అరోరా, బాలీవుడ్ నటి
మలైకా తెలుగులో మొదటి సారిగా మహేశ్బాబు నటించిన 'అతిథి' చిత్రంలో ఓ పాటలో ఆడిపాడింది. తర్వాత పవన్‌ కల్యాణ్‌ హీరోగా నటించిన 'గబ్బర్‌ సింగ్‌'లో 'కెవ్వు కేక' సాంగ్‌తో తెలుగు ప్రేక్షకుల్ని మరింతగా ఆకట్టుకుంది.
ఇదీ చూడండి: ఈ హీరో తర్వాతి టార్గెట్ పాన్ఇండియా మూవీ!
