టాలీవుడ్ సూపర్స్టార్ మహేశ్ బాబు కెరీర్లో బ్లాక్బస్టర్లుగా నిలిచిన సినిమాల్లో 'శ్రీమంతుడు' ఒకటి. కొరటాల శివ దర్శకత్వం వహించిన ఈ సినిమా బాక్సాఫీస్ వద్ద మంచి వసూళ్లు దక్కించుకుంది. అభిమానుల మనసూ దోచుకుంది. తాజాగా ఈ చిత్రం ఓ రికార్డు సృష్టించింది.
ఈ సినిమా యూట్యూబ్లో 100 మిలియన్ వీక్షణలు దక్కించుకుంది. తెలుగులో విడుదలైన ఏ చిత్రం ఇప్పటి వరకు 100 మిలియన్ వ్యూస్ సాధించలేదు. ఫలితంగా మహేశ్ ఫ్యాన్స్ సామాజిక మాధ్యమాల్లో సందడి చేస్తున్నారు. ప్రస్తుతం దీనికి సంబంధించిన ఓ ట్యాగ్ ట్విట్టర్లో ట్రెండింగ్లో ఉంది.
తెలుగులో ఇప్పటివరకు వచ్చిన తెలుగు పాటలతో పాటు హిందీలో డబ్బింగ్ అయిన సినిమాలు మాత్రమే 100 మిలియన్ వ్యూస్‌కు పైగా దక్కించుకున్నాయి. కానీ స్ట్రెయిట్‌గా ఓ తెలుగు చిత్రం యూట్యూబ్లో 100 మిలియన్ వ్యూస్ దక్కించుకోవడం ఇదే మొదటిసారి.
