గత కొంతకాలంగా టాలీవుడ్ స్థాయి పెరుగుతూ వస్తోంది. ప్రభాస్, చిరంజీవి వంటి హీరోలు పాన్ ఇండియా స్టార్స్గా గుర్తింపు తెచ్చుకుంటున్నారు. ఇప్పుడు ఆ జాబితాలోకి చేరేందుకు సిద్ధమవుతున్నాడు సూపర్స్టార్ మహేశ్బాబు. ప్రస్తుతం నటిస్తున్న 'సరిలేరు నీకెవ్వరు' చిత్రాన్ని బాలీవుడ్లోనూ విడుదల చేసేందుకు సన్నాహాలు చేస్తున్నాడు. ఈ బాధ్యతల్ని భార్య నమత్ర చేతిలో పెట్టాడట ప్రిన్స్ మహేశ్. ఉత్తరాది ప్రేక్షకులకు నచ్చేలా ఈ సినిమాలో మరిన్ని ఎలిమెంట్స్ జత చేయమని డైరెక్టర్కు మార్గనిర్దేశం చేసిందట నమ్రత.
ఈ చిత్రంలో హీరోయిన్గా రష్మిక మందణ్న నటిస్తోంది. విజయశాంతి కీలక పాత్రలో కనిపించనుంది. దేవీశ్రీ ప్రసాద్ సంగీతమందిస్తున్నాడు. అనిల్ రావిపూడి దర్శకత్వం వహిస్తున్నాడు. వచ్చే ఏడాది సంక్రాంతికి ప్రేక్షకుల ముందుకు రానుందీ సినిమా.
మహేశ్.. బాలీవుడ్‌లో నేరుగా నటించనప్పటికీ డబ్బింగ్ సినిమాలతో అక్కడి ప్రేక్షకులకు బాగానే చేరువయ్యాడు. యూట్యూబ్‌లో వాటికి విపరీతమైన ఆదరణ లభిస్తోంది. కాబట్టి నేరుగా ఈ హీరో నుంచి ఓ చిత్రం వస్తుందంటే ఉత్తరాదిలో మంచి అంచనాలే ఏర్పడే అవకాశముంది. మరి ఈ వార్తల్లో వాస్తవమెంతన్నది తెలియాలంటే అధికారిక ప్రకటన వచ్చే వరకు వేచి చూడాల్సిందే.
ఇది చదవండి: జీవితం అంటే ఇదే.. 30 ఏళ్ల తర్వాత మళ్లీ ఇలా: మహేశ్బాబు
