'మహర్షి' విజయమిచ్చిన ఆనందంతో 'సరిలేరు నీకెవ్వరు' సెట్స్‌లోకి అడుగుపెట్టాడు హీరో మహేశ్బాబు. అనిల్‌ రావిపూడి దర్శకత్వం వహిస్తున్నాడు. ఇటీవలే రెగ్యులర్‌ షూటింగ్ కశ్మీర్లో ప్రారంభమైంది. ఇందులో సైనిక అధికారిగా కనిపించనున్నాడు సూపర్స్టార్. ఆ లుక్ ఒకటి సామాజిక మాధ్యమాల్లో హల్చల్ చేస్తోంది. మిలటరీ దుస్తులు ధరించి.. సహచర ఆర్మీ అధికారులతో ఏదో విషయమై సీరియస్‌గా మాట్లాడుతున్నట్లుగా కనిపిస్తున్నాడు మహేశ్బాబు. లుక్ చాలా స్టైలిష్‌గా ఉంది.
ఇందులో రష్మిక మందణ్న హీరోయిన్గా నటిస్తోంది. విజయశాంతి కీలక పాత్ర పోషిస్తోంది. దాదాపు 13 ఏళ్ల విరామం తర్వాత రెండో ఇన్నింగ్స్ ప్రారంభిస్తోంది ఈ సీనియర్ నటి. వచ్చే ఏడాది సంక్రాంతికి రానుందీ సినిమా.
ఇది చదవండి: అమితాబ్ పాత్రలో నందమూరి బాలకృష్ణ..!
