శేఖర్కమ్ముల దర్శకత్వంలో నాగచైతన్య, సాయిపల్లవి జంటగా నటించిన సినిమా 'లవ్స్టోరీ' ఇటీవల విడుదలై సూపర్హిట్గా నిలిచింది. ఇప్పడీ చిత్రాన్ని ప్రేమతీరమ్ పేరుతో మలయాళంలో విడుదల చేయనున్నట్లు ప్రకటించింది. అక్టోబర్ 29నుంచి థియేటర్లలో ప్రదర్శితమవుతుందని వెల్లడించింది.
యువహీరో కార్తిక్ అబ్బవరం నటించిన కొత్త సినిమా 'సమ్మతమే'. ఈ చిత్రానికి సంబంధించిన ఫస్ట్ గ్లింప్స్ను అక్టోబర్ 21న ఉదయం 10.10గంటలకు విడుదల చేయనున్నట్లు తెలిపింది చిత్రబృందం. ఈ మూవీలో చాందిని చౌదరి హీరోయిన్గా నటించింది. గోపీనాథ్ రెడ్డి దర్శకత్వం వహించారు.
శ్రీహర్ష కొనుగంటి దర్శకత్వంలో ఆశిష్ రెడ్డి, అనుపమ పరమేశ్వరన్ జంటగా నటించిన చిత్రం 'రౌడీబాయ్స్'. ఈ చిత్రంలోని 'ప్రేమే ఆకాశం' సాంగ్ను అక్టోబర్ 20న సాయంత్రం 7గంటలకు హీరో విజయ్దేవరకొండ విడుదల చేయనున్నారు. ఇప్పటికే విడుదలైన ఈ చిత్ర ట్రైలర్ సినిమాపై అభిమానుల్లో ఆసక్తిని రేపింది.
బాలీవుడ్ హీరోయిన్ కంగనా రనౌత్ నటించిన 'ధాకడ్' సినిమా విడుదల తేదీ ఖరారైంది. 2022 ఏప్రిల్ 8న థియేటర్లలో రిలీజ్ కానుంది. అర్జున్ రాంపాల్, దివ్య దత్త కీలక పాత్రలు పోషించారు. రజ్నీష్ ఘాయ్ దర్శకుడు.
ప్ర‌ముఖ కూచిపూడి నృత్య‌కారిణి సంధ్య‌రాజు ప్రధానపాత్ర న‌టిస్తోన్న చిత్రం 'నాట్యం'. ఈ చిత్రాన్ని నిశృంకల ఫిల్మ్స్ బ్యానర్పై నిర్మిస్తుండగా.. రేవంత్ కోరుకొండ దర్శకత్వం వహిస్తున్నారు. అక్టోబర్ 22న థియేటర్లలో విడుదల కానుందీ చిత్రం. ఈ సందర్భంగా మెసాస్టార్ చిరంజీవి.. మూవీ టీమ్తో కలిసి ముచ్చటించారు. సినిమా విజయం సాధించాలని ఆకాంక్షిస్తూ.. వారికి ఆల్ ది బెస్ట్ చెప్పారు. ఈ మూవీలో కమల్ కామరాజు, రోహిత్ బెహల్, భానుప్రియ కీలకపాత్రల్లో నటిస్తున్నారు.
