చూడగానే మన పక్కింటి అమ్మాయిలా, తనదైన అల్లరితో సందడి చేస్తూ ప్రేక్షకులను కట్టిపడేస్తుంది. ఆకట్టుకొనే అందం, అందుకు తగ్గ అభినయమున్న ఇలాంటి అమ్మాయి చిత్రపరిశ్రమలో ఒక్కటే పీస్ అన్నంతగా కుర్రకారుకు మనసులను దోచేసింది. ఈ ముద్దుగుమ్మ 2015లో మలయాళ చిత్రం 'ప్రేమమ్'తో వెండితెర అరంగేట్రం చేసింది. ఈ చిత్రం విడుదలైన నేటికి సరిగ్గా 6 ఏళ్లు. ఈ సందర్భంగా పల్లవి గురించి ఆసక్తికర విషయాలు తెలుసుకుందాం.
- సాయి పల్లవి వెండితెరకు పరిచయం కాకముందే ఈటీవీలో ప్రసారమయ్యే ఢీషో (Dhee 4)లో కంటెస్టెంట్గా పాల్గొంది. అయితే ఈ షోలో పాల్గొనేందుకు ఆమె తల్లి మొదట ఒప్పుకోలేదు. తన కెరీర్ ఏమైపోతుందో అని భయపడింది. కానీ ఆ తర్వాత అంగీకారం తెలిపింది.సాయి పల్లవి
- ఈ ఢీషోలో 'నువ్వొస్తానంటే నేనొద్దంటానా' (వర్షం), 'వింటున్నావా' (ఏ మాయ చేసావె), 'కుచ్చి కుచ్చి కూనమ్మ' (బొంబాయి), 'భూ భూ భుజంగం' (అరుంధతి) వంటి పాటలకు అదిరిపోయే ప్రదర్శనలిచ్చింది.
- స్కూల్ డేస్ నుంచి ఓనమ్ పండగను జరుపుకొనేది సాయి పల్లవి. అందువల్ల చాలామంది ఆమెను కేరళ రాష్ట్రానికి చెందిందని అనుకుంటారు. కానీ కాదు.సాయి పల్లవి
- సాయి పల్లవి వెండితెరపై ప్రధాన పాత్రల్లో నటించడానికి ముందు కంగనా రనౌత్ నటించిన ధామ్ ధూమ్ చిత్రంలో సహాయ నటిగా కనిపించింది.
- వెండితెరపై ప్రధానపాత్రల్లో సాయిపల్లవి నటించిన మొదటి చిత్రం 'ప్రేమమ్' (మలయాళం). ఈ సినిమాలో మలర్ పాత్రతో కుర్రకారు మనసుల్ని మాయ చేసింది. అయితే ఇందులో సాయి పల్లవిపై వచ్చే 'మలరే' సాంగ్ను ఆమెకు తెలియకుండా చిత్రీకరించారు. ఆమెపై ఈ పాట చిత్రీకరించారని తెలిసిన తర్వాత తన ఆనందానికి హద్దుల్లేకుండా పోయాయి. ఈ చిత్రం తెలుగు రీమేక్ కూడా ఇదే టైటిల్తో తెరకెక్కింది.
- 'ఫిదా'తో తెలుగు, 'దియా' చిత్రంతో తమిళంలో అడుగుపెట్టింది.సాయి పల్లవి
- సాయి పల్లవి జార్జియాలోని తబ్లిసీ మెడికల్ యూనివర్సిటీలో ఎంబీబీఎస్ చేసింది. మొదటి నుంచి కార్డియాలజిస్ట్ కావాలన్నది పల్లవి కోరిక.
- రూ.2 కోట్ల ఫెయిర్నెస్ ప్రకటనను వదులుకుంది. అందమనేది క్రీముల్లో ఉండదనేది ఆమె నమ్మకం. అందుకే ఆ ప్రకటనను వదులుకున్నానని తెలిపింది.సాయి పల్లవి
- సాయి పల్లవి మేకప్కు ఎక్కువగా ప్రాధాన్యం ఇవ్వదు. చాలా తక్కువ మేకప్తోనే నటిస్తుంది. దీనికి గల కారణాన్ని ఓ ఇంటర్వ్యూలో చెప్పుకొచ్చింది పల్లవి. 'ప్రేమమ్' దర్శకుడు ఆల్ఫొన్సో తనను మేకప్ లేకుండా చేయమన్నాడని.. అది తన ఆత్మవిశ్వాసాన్ని పెంచిందని చెప్పుకొచ్చింది.
- సాయి పల్లవి తమిళనాడు కోటగిరిలోని బడగ కమ్యూనిటీ చెందింది. ఈ కమ్యునిటీ నుంచి స్టార్గా ఎదిగిన తొలి అమ్మాయి పల్లవి కావడం విశేషం.సాయి పల్లవి
- ఎప్పుడూ సింపుల్గా కనిపించే సాయి పల్లవి చేతికి ఉడెన్ చైన్ను ధరిస్తుంటుంది. సంప్రదాయ, పాశ్చాత్య.. ఇలా ఏ దుస్తుల్లో ఉన్నా ఈ చైన్ మాత్రం ఉండాల్సిందే. అయితే తను ఆ చైన్ ఎందుకు పెట్టుకుంటుందో మాత్రం క్లారిటీ లేదు. అది తన సెంటిమెంట్ అంటూ నెటిజన్లు అభిప్రాయపడుతున్నారు. సాయి పల్లవి
