తమిళ నటి ఐశ్వర్యా రాజేశ్ తెలుగులో తొలిసారి హీరోయిన్గా నటిస్తున్న సినిమా 'కౌసల్య కృష్ణమూర్తి.. ది క్రికెటర్'. మోషన్ పోస్టర్ను విడుదల చేసింది చిత్రబృందం. ఓ సాధారణ యువతి భారత క్రికెట్ జట్టుకు ఆడాలనే ప్రయత్నంలో ఎలాంటి సవాళ్లను ఎదుర్కొంది అనే నేపథ్యంతో సినిమాను తీస్తున్నారు. తమిళంలో 'కనా' పేరుతో ఈ సినిమాను తీశారు. అందులోనూ ఐశ్వర్యే కథానాయిక.
హీరోయిన్ తండ్రి పాత్రలో నటకిరీటి రాజేంద్ర ప్రసాద్ నటిస్తున్నారు. హీరోగా కార్తీక్ రాజు కనిపించనున్నాడు. తమిళ హీరో శివ కార్తికేయన్ కీలక పాత్ర పోషించాడు. భీమినేని శ్రీనివాసరావు దర్శకత్వం వహించాడు. క్రియేటివ్ కమర్షియల్స్ పతాకంపై కె.ఎ.వల్లభ నిర్మాతగా వ్యవహరించారు. జూన్లో సినిమాను ప్రేక్షకుల ముందుకు తెచ్చేందుకు సన్నాహాలు చేస్తున్నారు.
- " class="align-text-top noRightClick twitterSection" data="">
