కియారా అడ్వాణీ ప్రధాన పాత్రలో తెరకెక్కిన చిత్రం 'ఇందూ కీ జవానీ'. అబిర్‌ సేన్‌గుప్తా దర్శకత్వం వహించారు. ఈ సినిమా డిసెంబరు 11న థియేటర్లలో విడుదలవుతోందని చిత్ర బృందం తెలిపింది. ముందుగా ఈ సినిమాను ఓటీటీల్లో విడుదల చేయాలనుకున్నారు. కానీ ఇప్పుడు థియేటర్లలోనే విడుదల చేయాలని ఆ చిత్ర నిర్మాతలు నిర్ణయం తీసుకున్నారు.
ఈ చిత్రంలో కియారాకి జోడీగా ఆదిత్య సీల్‌ నటించాడు. డేటింగ్‌ యాప్‌ల ద్వారా తన భాగస్వామిని అన్వేషించే ఇందూ అనే యువతి పాత్రలో కియారా నటించింది.ఈ సినిమాకు సంబంధించిన హసీనా పాగల్ దివానీ పాట టీజర్ ఇటీవలే విడుదలై ఆకట్టుకుంది. నేటితరం మనోభావాలను ప్రతిబింబిస్తూ చక్కటి వినోదాన్ని పంచే చిత్రంగా 'ఇందూ కీ జవానీ' నిలుస్తుందని చిత్రవర్గాలు చెబుతున్నాయి.
