వినూత్న పాత్రలతో ఆకట్టుకుంటున్న నటి కీర్తి సురేశ్ మరో విభిన్న పాత్రలో కనువిందు చేయనుంది. ఆమె నటిస్తున్న 'సాని కాయిదం' సినిమా తొలిరూపు ఇవాళ విడుదలైంది. అందులో కీర్తి 'డీగ్లామర్' రోల్లో కనిపించింది. అయితే ఆమె రూపు మాత్రం సినిమాపై ఆసక్తి రేకెత్తిస్తోంది.
ఈ సినిమాలో ప్రముఖ తమిళ దర్శకుడు సెల్వరాఘవన్ ఓ పాత్ర పోషిస్తున్నాడు. 7/జీ బృందావన్ కాలనీ, యుగానికి ఒక్కడు, ఆడవారి మాటలకు అర్థాలే వేరులో వంటి సినిమాలతో ఆయన తెలుగు ప్రేక్షకులను ఆకట్టుకున్నాడు. వీరిద్దరూ కలిసి తొలిసారి నటిస్తున్నారు. అరుణ్ మాతేశ్వరన్ ఈ చిత్రానికి దర్శకుడు.
