కార్తికేయ కథానాయకుడిగా నూతన దర్శకుడు శ్రీ సరిపల్లి దర్శకత్వంలో ఓ చిత్రం రూపొందుతోంది. రామారెడ్డి నిర్మాత. తాన్య రవిచంద్రన్ కథానాయికగా నటిస్తోంది. సోమవారం కార్తికేయ పుట్టిన రోజు పురస్కరించుకుని ఆదివారం ఈ సినిమా విశేషాల్ని పంచుకుంది చిత్రబృందం.
"ఓ విభిన్న కథాంశంతో తెరకెక్కుతోన్న ఈ చిత్రంలో.. కార్తికేయ ఎన్‌.ఐ.ఏ ఆఫీసర్‌గా కనిపిస్తారు. కథ విన్న వెంటనే ఆయన సినిమా చేసేందుకు అంగీకరించడం సంతోషాన్నిచ్చింది. సాయికుమార్‌, తనికెళ్ల భరణి, సుధాకర్‌ కోమాకుల కీలక పాత్రలు పోషిస్తున్నారు" అని దర్శక నిర్మాతలు తెలియజేశారు. ఈ చిత్రానికి సంగీతం: ప్రశాంత్‌ ఆర్‌.విహారి, ఛాయాగ్రహణం: పి.సి.మౌళి.
