ప్రముఖ బాలీవుడ్ నాయకానాయికలు హృతిక్ రోషన్, కంగనా రనౌత్ మధ్య ఉన్న వివాదం గురించి అందరికీ తెలిసిందే. హృతిక్ తనతో కొన్నాళ్ల పాటు సన్నిహితంగా ఉండి ఆ తర్వాత మోసం చేశాడంటూ ఆ మధ్య తీవ్ర విమర్శలు చేసిందీ భామ. అప్పటి నుంచి సందర్భం దొరికినప్పుడల్లా హృతిక్‌పై నిప్పులు చెరుగుతూనే ఉంది. అయితే ఇటీవల ఓ ఇంటర్వ్యూలో కంగనకు ఈ హీరో గురించి ఊహించని ప్రశ్న ఎదురైంది. ప్రతిగా ఆమె చెప్పిన సమాధానం చర్చనీయాంశం అవుతోంది.
"మీరు ఓ రోజు ఉదయం లేవగానే హృతిక్‌లా మారిపోతే ఏం చేస్తారు?" అని కంగనను అడిగితే, దానికి ఆమె బదులిస్తూ "నేను హృతిక్‌లా మారిపోతే వెంటనే కంగనకు ఫోన్‌ చేసి క్షమాపణలు అడుగుతాను. మన మధ్య జరిగిందేదో జరిగింది. ఈ విషయంలో నేను చేసిన పనికి మన్నించమంటాను" అని చెప్పింది.
"సల్మాన్ ఖాన్‌లా మారిపోతే ఏం చేస్తారు" అని అడగ్గా... "మీడియా వారి చెవులు మెలేస్తాను. ఎందుకంటే ఆ పని సల్మాన్ చేస్తే మీడియాకు ఓకే. కానీ నేను చేస్తే మాత్రం ఓకే కాదు కదా" అని నవ్వుతూ బదులిచ్చింది కంగన.
ఇవీ చూడండి.. పోలీస్ దుస్తుల్లో హీరో రవితేజ ఐదోసారి..!
