దక్షిణాదిలో పలువురు అగ్రహీరోల సినిమాల్లో నటించి స్టార్ హీరోయిన్గా గుర్తింపు తెచ్చుకుంది కాజల్ అగర్వాల్. కథానాయికగానే కాకుండా ప్రత్యేక గీతాల్లోనూ నర్తించి అలరించింది. తమిళ కథానాయకుడు ఉదయనిధి స్టాలిన్ కొత్త సినిమాలో నటించనుందని ఇటీవలే వార్తలొచ్చాయి. ప్రస్తుతం ఈమె చిరంజీవి 'ఆచార్య'లో నటించనుండటం, మరోవైపు పవన్‌తోనూ కలిసి పనిచేయనుందని సమాచారం. దీంతో చేతిలో ప్రాజెక్టులు ఉండటం వల్ల స్టాలిన్కు నో చెప్పిందని సమాచారం. దీనికి మరో కారణమూ ఉందని అంటున్నారు.
ఈ మధ్యే స్టాలిన్ నటించిన 'సైకో'.. ప్రేక్షకుల ముందుకొచ్చింది. ఈ సైకలాజికల్‌ థ్రిల్లర్‌.. అనుకున్నంత మేర వసూళ్లు దక్కించుకోకపోవడం, నో చెప్పడానికి మరో కారణమని చెప్పుకుంటున్నారు. ఈ విషయంపై స్పష్టత రావాల్సి ఉంది.
