దక్షిణాదిన వరుస సినిమాలతో బిజీగా ఉన్న కాజల్ అగర్వాల్... తెలుగులో రణరంగం, తమిళంలో కోమలి సినిమాలతో తాజాగా ప్రేక్షకుల ముందుకు వచ్చింది. అయితే నటిగానే కాకుండా పెద్ద హీరోల సరసన ప్రత్యేక గీతాల్లోనూ కనువిందు చేస్తోన్న ఈ భామ.. పారితోషకమూ అంతేస్థాయిలో తీసుకుంటుందని టాక్. దాదాపు 2 కోట్ల వరకు ఆఫర్ చేస్తుందని సినీవర్గాల సమాచారం.
- " class="align-text-top noRightClick twitterSection" data="">
బాలీవుడ్లో తగ్గిందా...!
హిందీ పరిశ్రమలో అడుగుపెట్టాలని చూస్తోన్న కాజల్... జాన్ అబ్రహాం సరసన 'ముంబై సాగా'లో ఛాన్స్ కొట్టేసింది. అవకాశం వదులుకోకూడదని భావించిందో ఏమో కాని.. కాజల్ తన రెమ్యునరేషన్ని అమాంతం తగ్గించుకున్నట్లు వార్తలు వస్తున్నాయి. జాన్తో సినిమాలో నటించేందుకు తన సాధారణ పారితోషికంలో కేవలం నాలుగో వంతు కన్నా తక్కువకే(రూ.30 లక్షలు) కాజల్ ఒప్పేసుకున్నట్లు సమాచారం. ఈ సినిమాకి సంజయ్‌ గుప్తా దర్శకుడు. ఇందులో ఇమ్రాన్‌ హష్మి, సునీల్‌ శెట్టి, జాకీష్రాఫ్, గుల్షన్‌ గ్రోవర్‌ తదితరులు కీలక పాత్రల్లో కనిపించనున్నారు. భూషణ్‌ కుమార్, కృష్ణన్‌ కుమార్, అనురాధ గుప్తా నిర్మాతలు. వచ్చే ఏడాది జూన్‌ 19న ప్రేక్షకుల ముందుకు రానుందీ చిత్రం.
సాహో మిస్సయ్యింది..!
యంగ్ రెబల్స్టార్ ప్రభాస్ నటించిన 'సాహో' చిత్రంలోని... బ్యాడ్బాయ్ పాటలో నటించేందుకు తొలుత కాజల్కే అవకాశం వచ్చిందట. అయితే ఈ నటి భారీ పారితోషకం అడిగిందట. అంతే రెమ్యునరేషన్కు బాలీవుడ్ భామ జాక్వలిన్ ఫెర్నాండేజ్ కూడా ఓకే చెప్పడం వల్ల కాజల్కు అవకాశం పోయిందట.
ప్రస్తుతం కాజల్ చేతిలో శంకర్ తెరకెక్కిస్తున్న 'భారతీయడు2', క్వీన్ రీమేక్గా తెరకెక్కిన 'ప్యారిస్ ప్యారిస్' సినిమాలున్నాయి.
ఇదీ చదవండి...
