జూ.ఎన్టీఆర్ 'ఆర్ఆర్ఆర్'లో నటిస్తూ బిజీగా ఉన్నాడు. కొమరం భీమ్ పాత్రలో కనిపించనున్నాడు. అయితే ఇందులో మూడు విభిన్న గెటప్పుల్లో తారక్ కనిపించనున్నాడని టాక్. వాటికి సంబంధించిన షూటింగ్ శరవేగంగా సాగుతోందట. మరీ ముఖ్యంగా తెలంగాణ యాసలో ఎన్టీఆర్ పలికే డైలాగ్లు ఈ చిత్రానికి ప్రధాన ఆకర్షణగా నిలుస్తాయని అంటున్నారు.
ఇందులో రామచరణ్.. అల్లూరి సీతారామరాజుగా నటిస్తున్నాడు. ఆలియా భట్, ఒలీవియా మోరిస్ హీరోయిన్లు. అజయ్ దేవగణ్, సముద్రఖని, రే స్టీవెన్సన్, అలిసన్ డూడీ ఇతర పాత్రల్లో కనిపించనున్నారు. కీరవాణి సంగీతమందిస్తున్నాడు. ఎస్ఎస్ రాజమౌళి దర్శకత్వం వహిస్తున్నాడు. డీవీవీ దానయ్య.. సుమారు రూ.350 కోట్లతో నిర్మిస్తున్నారు.
ఇటీవలే హోలీ జరుపుకొన్న తారక్.. ఓ ఫొటోను పోస్ట్ చేశాడు. అందులో అతడి ఇద్దరు కుమారులు ఉన్నారు. చిన్న కొడుకు భార్గవ్ రామ్ సూపర్గా ఉన్నాడంటూ నెటిజన్లతో సహా పలువురు సినీ ప్రముఖుల ట్వీట్స్ చేశారు.
