Jr NTR Akhanda: బోయపాటి శ్రీను దర్శకత్వంలో నందమూరి బాలకృష్ణ నటించిన 'అఖండ'.. బ్లాక్బస్టర్ టాక్ సొంతం చేసుకుంది. బాలయ్య నటనకు, యాక్షన్కు అభిమానులు ఫిదా అయిపోతున్నారు. వారి ఈలలు, గోలలతో థియేటర్లు దద్దరిల్లిపోతున్నాయి. ఈ క్రమంలోనే సినిమాపై స్పందించారు యంగ్టైగర్ ఎన్టీఆర్. అఖండ విజయాన్ని అందుకున్న బాలయ్యకు ట్విట్టర్ వేదికగా శుభాకాంక్షలు తెలియజేశారు.
"'అఖండ' చూశాను. దద్దరిల్లే విజయాన్ని అందుకున్న బాల బాబాయికి, చిత్ర బృందానికి కంగ్రాట్స్. అభిమానులను అలరించే సన్నివేశాలు సినిమాలో ఎన్నో ఉన్నాయి."
- ఎన్టీఆర్, నటుడు
సినిమాకు మంచి స్పందన రావడం పట్ల హర్షం వ్యక్తం చేశారు సూపర్స్టార్ మహేశ్ బాబు. "'అఖండ'.. ఘన విజయం సాధించినందుకు చాలా సంతోషంగా ఉంది. నందమూరి బాలకృష్ణ, దర్శకుడు బోయపాటి శ్రీను సహా చిత్రబృందానికి శుభాకాంక్షలు." అని మహేశ్ ట్వీట్ చేశారు.
ఇదీ చూడండి: నేను డైరెక్టర్ ఆర్టిస్ట్ని.. ఎలా చెబితే అలా చేస్తా: బాలయ్య
