ప్రముఖ దర్శకుడు రాజమౌళి ఈ దశాబ్దకాలంలోనే అతిపెద్ద మల్టిస్టారర్గా తెరకెక్కిస్తున్న చిత్రం 'ఆర్ఆర్ఆర్'. ఈ మూవీలో ప్రముఖ హీరోలు ఎన్టీఆర్, రామ్చరణ్తేజ్ ప్రధాన పాత్రలు పోషిస్తున్నారు. ఇటీవల ఒలివియా మోరిస్ అనే నటి ఈ చిత్రంలో తారక్ సరసన నటించేందుకు ఎంపికైంది.
తాజాగా ఈ సినిమా చిత్రీకరణ కోసం తారక్ విశాఖపట్టణం విమానాశ్రయానికి చేరుకున్నాడు అక్కడ తారక్‌ని గుర్తు పట్టిన జనాలు అతని లుక్‌ని చరవాణిలో బంధించటానికి పోటీ పడ్డారు. తారక్ చాలా వేగంగా బయటికి వెళ్ళినప్పటికి దొరికిన కొద్ది సమయంలో పోటోలు, వీడియోలు తీసేశారు. ఇదే కొమరం భీమ్‌ ఫస్ట్‌ లుక్‌ అని అభిమానులు సామజిక మాధ్యమాల్లో విశేషంగా స్పందిస్తున్నారు.
ఇప్పటి వరకు సినిమాలోని కథానాయకులకు సంబంధించిన లుక్‌ అధికారికంగా విడుదల చేయలేదు చిత్రబృందం. కొమరం భీం జయంతి రోజున తారక్ లుక్‌ విడుదల చేస్తారనుకున్న అభిమానులకు నిరాశే ఎదురైంది.
ఇవీ చూడండి.. 'మంచి కెరీర్ కావాలంటే సల్మాన్ను ఫాలో అవ్వండి'
