టాలీవుడ్ ప్రముఖ కథానాయకులు చిరంజీవి, నాగార్జున, ఎన్టీఆర్, నాని.. ఇప్పటికే బుల్లితెరపై సందడి చేశారు. ఇప్పుడీ జాబితాలోకి జగపతి బాబు చేరబోతున్నాడని సమాచారం. ఓ ప్రముఖ ఛానల్‌ నిర్వహించనున్న కార్యక్రమానికి జగ్గూభాయ్‌ వ్యాఖ్యాతగా వ్యవహరిస్తాడని తెలుస్తోంది. ఇప్పటికే జగపతితో చర్చలు సాగాయని, అతడు పచ్చజెండా ఊపే అవకాశాలున్నాయని టాక్‌. త్వరలోనే ఈ విషయంపై స్పష్టత రానుంది.
సహజ నటనతో అటు హీరోగా, ఇటు విలన్‌గా వెండితెరపై తనదైన ముద్ర వేశాడు జగపతిబాబు. ఇప్పుడు బుల్లితెరపై ఎలా అలరిస్తాడో చూడాలి. ప్రస్తుతం కీర్తి సురేశ్ ప్రధాన పాత్రధారిగా తెరకెక్కుతోన్న 'మిస్‌ ఇండియా' చిత్రంలో నటిస్తున్నాడు. మరోవైపు ఓ వెబ్‌ సిరీస్‌లోనూ కనువిందు చేయనున్నాడు.
ఇదీ చూడండి.. 'ఊపిరి మొత్తం ఉప్పెన అయితే ధక్ ధక్ ధక్'
