'ఇస్మార్ట్ శంకర్' విజయాన్ని మనసారా ఆస్వాదిస్తున్నాడు దర్శకుడు పూరీ జగన్నాథ్. ఈ జోష్‌లోనే ఈ చిత్ర విజయయాత్రలో యూనిట్‌తో ఫుల్ హంగామా చేస్తున్నాడు పూరీ. అంతేకాదు ఈ వేడుకల్లో వ్యక్తిగత జీవితానికి సంబంధించిన పలు ఆసక్తికర కబుర్లను అభిమానులతో పంచుకుంటున్నాడు.
తాజాగా జరిగిన ఓ కార్యక్రమంలో "సిగరెట్‌ ఎలా అలవాటైంది" అనే ప్రశ్నకు ఓ ఆసక్తికర సమాధానమిచ్చాడు పూరీ జగన్నాథ్. అందరూ అనుకుంటున్నట్లు ఈ అలవాటు పరిశ్రమలోకి వచ్చాక రాలేదని.. చిన్నప్పటి నుంచి ఉందని తనదైన శైలిలో జవాబిచ్చాడు. ‘
"నా తమ్ముడు నాతోనే పెరిగాడు వాడు సిగరెట్‌ కాల్చడు. నా కొడుకూ కాల్చడు. ఇంట్లో మరెవరికీ లేదు. అయినా ఇది నాకే ఎందుకు అలవాటైందో తెలియదు. కానీ, వెదవ పుట్టుక పుట్టాక తప్పదు కదా. నాకు ఈ దురలవాటు చిత్రసీమకు వచ్చాక వచ్చినది కాదు. చిన్నప్పటి నుంచే ఉంది. నేను, మా తాతమ్మ కలిసి చుట్ట తాగేవాళ్లం. ఆమెకు ఓ వందేళ్లుంటాయి" అని సిగరెట్‌ కబుర్లు చెప్పుకొచ్చాడు పూరీ.
ఇవీ చూడండి.. టీజర్: హిందీ 'ప్రస్థానం'లో అదరగొట్టిన సంజూ
