లవ్బర్డ్స్ టైగర్ ష్రాఫ్-దిశా పటానీ డేటింగ్లో(Tiger Shroff-Disapatani dating) ఉన్నట్లు గత కొద్దీ కాలంగా బాలీవుడ్లో జోరుగా ప్రచారం సాగుతోంది. ఖాళీ దొరికితే ఎప్పుడు కలిసి ఉండే ఈ జంట ఇప్పటివరకు ఈ విషయం గురించి అధికారికంగా ఏం మాట్లాడలేదు. జూన్ 20న ఫాదర్స్ డే సందర్భంగా ఓ ఇంటర్వ్యూలో పాల్గొన్న టైగర్ తండ్రి, సీనియర్ నటుడు జాకీ ష్రాఫ్ ఈ విషయమై స్పందించారు. వారిద్దరూ మంచి స్నేహితులని అన్నారు.
"అది అతడి జీవితం. 25ఏళ్ల వయసులోనే డేటింగ్ చేయడం ప్రారంభించాడు. నాకు తెలిసి వీరిద్దరూ మంచి స్నేహితులు. భవిష్యత్తులో మరి వాళ్లు ఏ నిర్ణయం తీసుకుంటారో తెలీదు. అయినా టైగర్కు అన్నింటికన్నా పని మీద దృష్టి ఎక్కువ. నాకు తెలిసినంతవరకు పనే అతడి మొదటి ప్రేయసి." అని జాకీ చెప్పారు.
తన కుమారుడు టైగర్ డేటింగ్ చేసినట్లు చెప్పిన జాకీ.. దిశాతో డేటింగ్లో ఉన్నాడా లేదా అనే విషయం మాత్రం స్పష్టత ఇవ్వలేదు. గతంలోనూ టైగర్-దిశా రిలేషన్ గురించి మాట్లాడిన జాకీ ష్రాఫ్.. భవిష్యత్లో వారు పెళ్లి చేసుకోవచ్చు. లేదా జీవిత కాలం స్నేహితులుగా ఉండిపోవచ్చని పేర్కొన్నారు.
ప్రస్తుతం 'హీరోపంతి 2', 'బాఘీ 4' సినిమాల్లో నటిస్తూ బిజీగా ఉన్నాడు టైగర్. అతడు హీరోగా 'ఇండియన్ రాంబో' చిత్రాన్ని మూడేళ్ల క్రితమే ప్రకటించినా.. ఇప్పటివరకు అది ప్రారంభం కాలేదు. ఇటీవల సల్మాన్ ఖాన్ 'రాధే'తో(SalmanKhan-Radhe) ప్రేక్షకుల ముందుకు వచ్చిన దిశా.. ప్రస్తుతం 'ఓకే టీనా', 'ఏక్ విలన్ రిటర్న్స్' సినిమాల్లో నటిస్తోంది.
ఇదీ చూడండి:
