వినోదంతో పాటు అన్ని రకాల భావోద్వేగాలు పుష్కలంగా ఉన్న సినిమా మా 'క్యాలీఫ్లవర్' అని నటి వాసంతి చెబుతుంది. సంపూర్ణేశ్బాబు హీరోగా నటించిన చిత్రమిది. ఆర్కే మలినేని తెరకెక్కించారు. ఆశా జ్యోతి గోగినేని నిర్మాత. ఈ సినిమాతోనే హీరోయిన్గా తెలుగు తెరకు పరిచయమవుతోంది వాసంతి. ఈ చిత్రం ఈనెల 26న విడుదలవుతున్న సందర్భంగా ఆమె శనివారం హైదరాబాద్‌లో విలేకర్లతో ముచ్చటించింది.
*నేను తెలుగమ్మాయినే. బెంగళూరులో పెరిగాను. మోడలింగ్‌ నుంచి సినిమాల్లోకి వచ్చాను. కన్నడలో ఇప్పటికే ఐదు చిత్రాలు చేశాను. తెలుగులో ఇదే తొలి సినిమా. నేనిందులో నీలవేణి అనే పాత్రలో కనిపిస్తాను. బావ వెంటపడుతూ చలాకీగా తిరిగే అమ్మాయి తను. కథ వింటున్నప్పుడు ఈ పాత్ర నాకోసమే డిజైన్‌ చేసినట్లు అనిపించింది. సినిమా మొత్తం నేను లంగావోణిలోనే కనిపిస్తా. నాకెంతో ప్రత్యేకమైన చిత్రమిది.
* మొదట్లో ఈ చిత్రం చేయాలా? వద్దా? అని భయపడ్డా. అప్పటికి ఇందులో హీరో సంపూ అని తెలీదు. స్క్రిప్ట్‌ విభిన్నంగా ఉంది కదా అని ఒపుకొన్నా. కథలో క్యాలీఫ్లవర్ అని ఉంది. అదే టైటిల్‌ పెడతారని తెలీదు. సంపూకు సరిపోయే టైటిల్‌ ఇది. ఈ చిత్రంలో కామెడీ, సస్పెన్స్‌, థ్రిల్లింగ్‌ అంశాలతో పాటు చక్కటి సందేశమూ ఉంటుంది.
*ప్రస్తుతం మారుతి దర్శకత్వంలో ఓ సినిమా చేస్తున్నా. అలాగే ఆది సాయికుమార్‌ చిత్రంలోనూ నటిస్తున్నా. నాకు నాని అంటే ఇష్టం. ఆయనతో సినిమా చేయాలనుంది.
- " class="align-text-top noRightClick twitterSection" data="">
