ప్రముఖ యూట్యూబర్ క్యారీ మినాటీ.. బాలీవుడ్లో బంపర్ ఆఫర్ కొట్టేశాడు. అజయ్ దేవ్గణ్ దర్శకత్వంలో అమితాబ్ బచ్చన్ నటిస్తున్న 'మే డే'లో తనకు అవకాశం వచ్చినట్లు వెల్లడించాడు.
క్యారీ మినాటీకి యూట్యూబ్లో 27.5 మిలియన్ల మంది సబ్స్క్రైబర్స్ ఉన్నారు. పలు వీడియోలతో ఇప్పటికే చాలా పేరు తెచ్చుకున్నాడు. బిగ్బీ సరసన అవకాశం దక్కడం పట్ల తెగ సంతోషపడిపోతున్నాడు.
'యూ మీ ఔర్ హమ్', 'శివాయ్' తర్వాత మళ్లీ మెగాఫోన్ పట్టిన అజయ్ దేవ్గణ్.. ఈ 'మే డే' స్వీయ నిర్మాణంలో తెరకెక్కిస్తున్నారు. ఇందులో అజయ్, పైలట్గా కనిపించనున్నారట. రకుల్ ప్రీత్ కూడా ఇలాంటి పాత్రలోనే కనిపించనున్నట్లు తెలుస్తోంది.
అంతకుముందు మరో యూట్యూబర్ ప్రజాక్త కోలీ.. వరుణ్ ధావన్, కియారా అడ్వాణీ నటిస్తున్న 'జుగ్ జుగ్ జియో' సినిమాలో అవకాశాన్ని అందుకుంది. రాజ్ మెహత్ ఈ సినిమాకు దర్శకత్వం వహిస్తున్నారు.
ఇదీ చూడండి:విక్రమ్ వేదా' రీమేక్ నుంచి ఆమిర్ తప్పుకున్నారా?
