బాలీవుడ్లో వరుస అవకాశాలతో బిజీగా గడుపుతోంది నటి కల్కి కొచ్లిన్. వెబ్ సిరీస్ల్లోనూ నటిస్తోంది. ఇటీవలే ఓ ఆంగ్ల మీడియాతో మాట్లాడిన ఈ భామ.. తాను ఎదుర్కొన్న సమస్యల గురించి మాట్లాడింది. ఓ నిర్మాత గతంలో తనను లైంగికంగా వేధించాడని చెప్పింది.
బ్లాక్బస్టర్లో నటించినా దక్కని అవకాశాలు
రణ్బీర్ కపూర్-దీపికా పదుకొణె కాంబినేషలో వచ్చిన 'యే జవానీ హై దివానీ' బ్లాక్బస్టర్గా నిలిచింది. ఇందులో కల్కి కీలకపాత్రలో కనిపించి, అలరించింది. అంత మంచి సినిమాలో నటించిన తర్వాతైనా, తనకు అవకాశాలు రాలేదని అసంతృప్తి వ్యక్తం చేసింది.
"రణ్బీర్, దీపికాతో కలిసి పనిచేసిన 'యే జవానీ హై దివానీ' చాలా పెద్ద హిట్ అయింది. సినిమా విడుదలైన తొమ్మిది నెలల వరకు ఎలాంటి అవకాశం రాలేదు. ఖాళీగానే ఉన్నా. ఓ సినిమా ఇంత పెద్ద హిట్ అయిన తర్వాత ఇలా జరగడం చాలా బాధగా అనిపించింది"
- కల్కి కొచ్లిన్, బాలీవుడ్ నటి
లైంగిక వేధింపుల గురించి ప్రస్తావించిన కల్కి.. తనను ఓ నిర్మాత పరోక్షంగా వేధించాడని ఆరోపించింది. డేట్కు రావాలని అడిగాడని, తాను ఒప్పుకోకపోవడం వల్ల తన సినిమాలో ఆఫర్ ఇవ్వలేదని చెప్పింది.
"గతంలోనూ వేధింపుల గురించి మాట్లాడా. ఈ విషయాన్ని మొదటగా నా థెరపిస్ట్కు, తర్వాత నా బాయ్ఫ్రెండ్కు చెప్పా. ఇలాంటి ఘటనలు బాలీవుడ్లోనే కాదు హాలీవుడ్లోనూ ఉన్నాయి. నేను హాలీవుడ్కు వెళ్లినప్పుడు అక్కడి క్యాస్టింగ్ ఏజెంట్ నా ముఖం దగ్గరకు వచ్చి... కళ్లకిందున్న వలయాలు చూశాడు. 'దేవ్ డి' సినిమాలో నన్ను చూసి కొందరు 'ఈ రష్యన్ వేశ్యను ఎక్కడి నుంచి తీసుకొచ్చారు?' అని అడిగారు. నేను రష్యన్ను కాదు అని చెప్పుకోవాల్సి వచ్చింది"
-కల్కి కొచ్లిన్ , బాలీవుడ్ హీరోయిన్
కల్కి త్వరలో ఓ బిడ్డకు జన్మనివ్వబోతోంది. నెట్‌ఫ్లిక్‌లో ఇటీవలే వచ్చిన వెబ్ సిరీస్ 'సేక్రెడ్‌ గేమ్స్‌'లో ఈమె కనిపించింది.
ఇవీ చూడండి.. ఫస్ట్లుక్: స్టైలిష్ గెటప్లో సిద్దార్థ్..
