Eggless Carrot Cheese Cake: మరికొన్ని రోజుల్లో 2024కు ముగింపు పలికి.. కొత్త సంవత్సరాని(2025)కి స్వాగతం పలికేందుకు ప్రజలు సిద్ధమవుతున్నారు. ఇక కొత్త సంవత్సరం అంటే.. కేక్ కటింగ్ ఉండాల్సిందే. అయితే.. చాలా మంది కేక్స్ను మార్కెట్లో కొనుగోలు చేస్తారు. వీటి కాస్ట్ ఎక్కువ.. నాణ్యత తక్కువ అన్నట్టుగా ఉంటుంది. కాబట్టి కేక్స్ను బయట కొనుగోలు చేసేకన్నా.. కాస్త ఓపిక చేసుకుంటే ఇంట్లోనే ఫుల్ టేస్టీ ఎగ్లెస్ క్యారెట్ చీజ్ కేక్ను ఈజీగా చేసుకోవచ్చు. మరి, ఈ కేక్ రెసిపీకి కావాల్సిన పదార్థాలు, తయారీ విధానం ఈ స్టోరీలో చూద్దాం..
కావాల్సిన పదార్థాలు:
- ఆయిల్ - 180ml
- పాలు - 270ml
- బ్రౌన్ షుగర్ - 170 గ్రాములు
- పంచదార - 170 గ్రా
- వెనీలా అసెన్స్ - 2 టీ స్పూన్స్
- మైదా - 300 గ్రాములు
- ఉప్పు - అర టీ స్పూన్
- దాల్చినచెక్క పొడి - ఒకటింపావు టీస్పూన్
- బేకింగ్ పౌడర్ - ఒకటిన్నర టీ స్పూన్
- బేకింగ్ సోడా - ఒకటిన్నర టీ స్పూన్
- క్యారెట్ తురుము - 300 గ్రాములు
- వేయించిన వాల్నట్స్ - 70 గ్రాములు
- ఎండు ద్రాక్ష - కొద్దిగా
ఫ్రాస్టింగ్ కోసం:
- పంచదార పొడి - 300 గ్రాములు
- అన్సాల్టెడ్ బటర్ - 340 గ్రాములు
- వెనీలా అసెన్స్ - 1 టీ స్పూన్
- క్రీమ్ చీజ్ - 340 గ్రాములు
తయారీ విధానం:
- ముందుగా కేక్ బేస్ ప్రిపేర్ చేసుకోవాలి. అందుకోసం ఓ బౌల్లోకి రిఫైండ్ ఆయిల్ తీసుకోవాలి. అందులోకి పచ్చిపాలు, బ్రౌన్ షుగర్, పంచదార, వెనీలా అసెన్స్ వేసి ఎలక్ట్రిక్ హ్యాండ్ మిక్సర్ సాయంతో పంచదార కరిగే వరకు వేగంగా మిక్స్ చేసుకోవాలి.
- ఆ తర్వాత బౌల్ మీద జల్లెడ పెట్టి అందులో మైదా, ఉప్పు, బేకింగ్ పౌడర్, బేకింగ్ సోడా, దాల్చిన చెక్క పొడి జల్లించుకోవాలి. అన్నీ వేసిన తర్వాత కట్ అండ్ ఫోల్డ్ పద్ధతిలో పిండిని బౌల్ అడుగు నుంచి కలుపుకోవాలి.
- ఇప్పుడు అందులోకి సన్నగా తరిగిన క్యారెట్ తురుము, వేయించి సన్నగా కట్ చేసిన వాల్నట్స్, ఎండు ద్రాక్ష వేసి మరోసారి కట్ అండ్ ఫోల్డ్ పద్ధతిలో కలుపుకోవాలి.
- ఇప్పుడు 8 ఇంచ్లు ఉన్న కేక్ మౌల్డ్స్ రెండు తీసుకుని వాటి లోపలి భాగాల్లో బటర్ రాసి బటర్ పేపర్ లేదా మైదాపిండి చల్లుకోవాలి.
- ఇప్పుడు స్టవ్ ఆన్ చేసి మందపాటి గిన్నె ఉంచి అందులో స్టాండ్ పెట్టి పైన మూత ఉంచి హై ఫ్లేమ్లో ఓ 5 నిమిషాలు ఫ్రీహీట్ చేసుకోవాలి. మరో స్టవ్ మీద కూడా ఇలానే చేయాలి. అయితే ఇక్కడ తీసుకున్న మిశ్రమానికి అనుగుణంగా రెండు కేక్ మౌల్డ్ తీసుకున్నాం. మీరు తీసుకునే కొలతలను బట్టి వాటిని తీసుకోండి.
- ఇప్పుడు రెండు కేక్ మౌల్డ్స్లోకి కేక్ మిశ్రమాన్ని సమానంగా పోసుకుని ఓసారి ట్యాప్ చేసుకోవాలి.
- ప్రీ హీట్ చేసుకున్న ఒక గిన్నెలో ఒక మౌల్డ్, మరో గిన్నెలో మరో మౌల్డ్ పెట్టి రెండింటి మీద మూతలు పెట్టి మీడియం ఫ్లేమ్ మీద సుమారు 35 నుంచి 40 నిమిషాలపాటు బేక్ చేసుకోవాలి. కేక్ బేక్ అయ్యిందో లేదా టూత్ పిక్ సాయంతో చెక్ చేసుకుని వాటిని తీసి ఓ గంటపాటు చల్లారనివ్వాలి.
- ఇప్పుడు ఫ్రాస్టింగ్ ప్రిపేర్ చేసుకోవాలి. అందుకోసం ఓ బౌల్లోకి రూమ్ టెంపరేచర్లో అన్సాల్టెడ్ బటర్ను తీసుకుని ఎలక్ట్రిక్ హ్యాండ్ మిక్సర్ సాయంతో ఫాస్ట్గా బీట్ చేసుకోవాలి.
- ఆ తర్వాత అందులోకి కొద్దిగా పంచదార పొడి వేసి ఓ సారి కలిపి మళ్లీ బీట్ చేసుకోవాలి. అనంతరం వెనీలా అసెన్స్, మిగిలిన పంచదార పొడి వేసి పంచదార బటర్లో కరిగే విధంగా హై స్పీడ్ మీద బీట్ చేసుకోవాలి.
- ఇప్పుడు ఇందులోకి రూమ్ టెంపరేచర్లో ఉన్న క్రీమ్ చీజ్ను వేసి కలిపి బాగా బీట్ చేసుకోవాలి. ఇలా బీట్ చేసుకున్న మిశ్రమం కరిగిపోకుండా ఫ్రిజ్లో పెట్టాలి.
- చివరగా కేక్ డెకరేషన్ చేసుకోవాలి. అందుకోసం ముందుగా మౌల్డ్స్ నుంచి కేక్ను సెపరేట్ చేసుకుని కేక్ బోర్డ్ లేదా ఓ ప్లేట్లోకి తీసుకోవాలి. ఆ తర్వాత వాటిపైన ఉండే మందపాటి లేయర్ను జాగ్రత్తగా కట్ చేసి ఓ ప్లేట్లోకి తీసుకోవాలి.
- ఇప్పుడు ఆ కేక్ మీద ముందే ప్రిపేర్ చేసుకుని ఫ్రిజ్లో పెట్టుకున్న క్రీమ్ చీజ్ను కొద్దిగా అప్లై చేసి కేక్ మొత్తం స్ప్రెడ్ చేయాలి. ఆ తర్వాత మరో కేక్ బేస్ను పెట్టి దాని మీద కూడా క్రీమ్ను అప్లై చేసి కేక్ మొత్తం స్ప్రెడ్ చేయాలి.
- ఇప్పుడు మిగిలిన క్రీమ్ను కేక్ చుట్టూ కొద్దికొద్దిగా అప్లై చేసుకుంటూ సమానంగా ఉండేలా చూసుకోవాలి. ఇక మిగిలిన క్రీమ్ను పైపింగ్ బ్యాగ్లోకి వేసుకుని దానికి ఏదైనా షేప్ కలిగిన నాజిల్ పెట్టి మీకు నచ్చిన డిజైన్ను కేక్ మీద వేసుకోవాలి.
- ఆ తర్వాత మనం ముందుగా తీసుకున్న కేక్ మీద మందపాటి లేయర్ను చిన్నగా చేతితో నలిపి కేక్ మీద స్ప్రెడ్ చేసుకుంటే ఎంతో టేస్టీగా ఉండే ఎగ్లెస్ క్యారెట్ చీజ్ కేక్ రెడీ.
- నచ్చితే మీరూ ఈ కేక్ను న్యూ ఇయర్కు ప్రిపేర్ చేసుకుని ఫ్యామిలీతో కలిసి ఎంజాయ్ చేయండి.
ఎగ్, ఓవెన్ లేకుండానే - నోరూరించే "బ్లాక్‌ ఫారెస్ట్‌ కేక్" - ఇంట్లోనే ఈజీగా చేసుకోండిలా!
బేకరీ స్టైల్ "వెనీలా స్పాంజ్ కేక్" - ఇలా చేస్తే పిల్లలు ఇష్టంగా లాగిస్తారు!
