పవర్స్టార్ పవన్‌కల్యాణ్ నటించిన 'వకీల్సాబ్' చిత్ర ప్రీ-రిలీజ్ ఈవెంట్ నిర్వహణకు హైదరాబాద్ పోలీసులు అనుమతి నిరాకరించారు. ఏప్రిల్ 3వ తేదీన యూసుఫ్‌గూడలోని పోలీసు బెటాలియన్ మైదానంలో ఈ వేడుకను నిర్వహించేందుకు జే మీడియా ఫ్యాక్టరీకి చిత్ర నిర్మాణసంస్థ బాధ్యతలు అప్పగించింది.
ఈ కార్యక్రమానికి దాదాపు 5 నుంచి 6వేల మంది పవన్ కల్యాణ్ అభిమానులు హాజరవుతారని నిర్వహకులు వెల్లడించారు. ఈ నేపథ్యంలో వేడుకకు చకాచకా ఏర్పాట్లు జరుగుతున్నాయి. ఇందుకోసం జే మీడియా ప్రతినిధులు జూబ్లీహిల్స్ పోలీసులను అనుమతి కోరారు. కొవిడ్ నేపథ్యంలో ప్రభుత్వ నిబంధనల ప్రకారంగా ప్రీ-రిలీజ్ వేడుకలకు అనుమతి ఇవ్వలేమని పోలీసులు తేల్చి చెప్పారు.
ఇదీ చూడండి: ఓటీటీ విడుదలకు 'టెనెట్' సిద్ధం
