తను నటించిన సినిమాల్లో 'గ్యాంగ్స్ ఆఫ్ వస్సీపూర్ 2' ఎంతో ప్రత్యేకమైందని చెప్పింది బాలీవుడ్ నటి హ్యూమా ఖురేషి. ఈ చిత్రానికి ఎనిమిదేళ్లు పూర్తయిన సందర్భంగా, షూటింగ్లో తన అనుభవాలను గుర్తుచేసుకుంది.
- " class="align-text-top noRightClick twitterSection" data="
">
"ఆరోజు జ్ఞాపకాలు నాకు గుర్తొస్తున్నాయి. నిజంగా అనురాగ్ కశ్యప్తో ప్రయాణం మర్చిపోలేనిది. మీరు ఎప్పటికీ నాకు ప్రత్యేకమైన వ్యక్తే. అనురాగ్ మళ్లీ త్వరలో మీ సినిమాలో నటించాలని ఉంది. మనం మరోసారి కలిసి పనిచేద్దాం. నవాజుద్దీన్ సిద్ధిఖీ.. మీతో కూడా మళ్లీ నటించాలని ఉంది" అని ఖురేషి తెలిపింది.
క్రైమ్ కథతో రెండు భాగాలుగా తీసిన ఈ సినిమాకు అనురాగ్ కశ్యప్ దర్శకుడు. నవాజుద్దీన్ సిద్దిఖీ, రిచా చద్దా రెండో భాగంలో నటించారు. హ్యూమా ప్రస్తుతం 'బెల్బాటమ్'లో నటిస్తోంది. చిత్రీకరణ కోసం త్వరలో లండన్ వెళ్లనుంది. ఈ సినిమాలో అక్షయ్ కుమార్, వాణీ కపూర్, లారా దత్తా ప్రధాన పాత్రలు పోషిస్తున్నారు.
