తన నటనతోనే కాకుండా లుక్స్తో ఆకట్టుకుంటున్న వారిలో బాలీవుడ్ హీరో హృతిక్ రోషన్ ముందుంటాడు. ఇటీవలే 'సూపర్ 30'తో హిట్ కొట్టిన ఈ కథానాయకుడు.. మరో ఘనత సొంతం చేసుకున్నాడు. ఓ యూఎస్ ఏజెన్సీ నిర్వహించిన సర్వేలో హాలీవుడ్ నటులు క్రిస్ ఏవాన్స్, రాబర్డ్ పాటిన్సన్, డేవిడ్ బెక్హమ్ను వెనక్కి నెట్టి 'మోస్ట్ హ్యండ్సమ్ మ్యాన్ ఇన్ ద వరల్డ్'గా నిలిచాడు. ఈ విషయంపై ఆనందం వ్యక్తం చేశాడు హృతిక్.
"ఇదేమంత గొప్ప విషయం కాదు. నా అభిప్రాయం ప్రకారం ఈ ప్రపంచంలో ఎవరైనా ఎక్కువగా కోరుకునేది, విలువైనదిగా ఏదైనా ఉంటే అది వారి వ్యక్తిత్వమే. అది ఎల్లప్పుడూ మిమ్మల్ని మరింత ఆకర్షణీయంగా చేస్తుంది" -హృతిక్ రోషన్, బాలీవుడ్ కథానాయకుడు
'వార్' సినిమాతో ప్రస్తుతం బిజీగా ఉన్నాడు హృతిక్ రోషన్. ఇందులో టైగర్ ష్రాఫ్ మరో కథానాయకుడిగా నటిస్తున్నాడు. యాక్షన్ సీక్వెన్స్తో ఉన్న టీజర్ ఇప్పటికే అభిమానుల్ని అలరిస్తోంది. అక్టోబరు 2న ప్రేక్షకుల ముందుకు రానుందీ చిత్రం.
ఇది చదవండి: గూగుల్ ప్లే స్టోర్లో సాహో వీడియో గేమ్
