ప్రపంచవ్యాప్తంగా ఆకట్టుకుని కాసులు కురిపించిన 'స్టార్వార్స్' సినిమాలో కీలక పాత్రల్లో ఒకడు జాన్ బొయేగా. అసలు పేరు జాన్ అడెడయో బి.అడెగ్బోయెగా. ఇంగ్లీష్‌ నటుడు. హాలీవుడ్‌లో చిరపరిచితుడు. ఈ నటుడు తాజాగా స్టార్వార్స్ సిరీస్ నుంచి తప్పుకుంటున్నట్లు స్పష్టం చేశాడు. ఒకటే పాత్రలో ఎక్కువ రోజులు నటించడం ఇష్టం లేక ఫ్రాంచైజీని వీడుతున్నట్లు స్పష్టం చేశాడు. ఇప్పటివరకు ఈ సిరీస్లోని మూడు సినిమాల్లో నటించాడు.
2015లో స్టార్వార్స్ ఫ్రాంచైజీలో అడుగుపెట్టిన జాన్... 'ద ఫోర్స్ ఎవేకెన్స్', 'ద లాస్ట్ జేడీ', 'ద రైజ్ ఆఫ్ స్కై వాకర్'లో నటించాడు.
వీటితో పాటు 'ఎటాక్‌ ద బ్లాక్‌', 'డెట్రాయిట్‌'’, 'పసిఫిక్‌ రిమ్‌ అప్‌రైజింగ్‌', 'ఇంపెరియల్‌ డ్రీమ్స్‌' లాంటి సినిమాలు సహా పలు టీవీ సిరీస్‌ల్లో కూడా మంచి నటుడిగా ఆకట్టుకున్నాడు బొయేగా. ప్రతిష్ఠాత్మకమైన బాఫ్టా రైజింగ్‌ స్టార్ అవార్డ్నూ అందుకున్నాడు.
