'సుశాంత్​ ఆత్మ క్షోభిస్తోంది.. సీబీఐ దర్యాప్తు చేయాలి'

తన కుమారుడు సుశాంత్​ సింగ్​ ఆత్మహత్య కేసును సీబీఐకు అప్పగించాలని అతడి తండ్రి కేకే సింగ్ డిమాండ్​ చేశారు​. న్యాయం కోసం అతడి ఆత్మ క్షోభిస్తోందని కన్నీరుమున్నీరయ్యారు.

బాలీవుడ్​ నటుడు సుశాంత్​ సింగ్ ఆత్మహత్య​ విషయమై ముమ్మరంగా దర్యాప్తు చేయించాలని, కేసు సీబీఐకి అప్పగించాలని అతడి తండ్రి కేకేసింగ్​ డిమాండ్​ చేశారు. ఈ విషయంలో న్యాయం చేయాలని కోరారు. ట్విట్టర్​ వేదికగా ఓ భావోద్వేగపు సందేశాన్ని పోస్ట్​ చేసారు.

"నా కుమారుడుకు న్యాయం జరగకపోవడం వల్ల ఆవేదనతో అతని ఆత్మ క్షోభిస్తోంది. అయినా నా కుమారుడు ఆత్మహత్య చేసుకునేంత పిరికివాడు కాదు. చాలా ధైర్యవంతుడు. ఈ అఘాయిత్యానికి పాల్పడి ఉండడు. ఎవరో అతడిని చంపి.. ఆత్మహత్యగా దీన్ని చిత్రీకరిస్తున్నారు. దయచేసి దీనిపై సీబీఐ చేత దర్యాప్తు జరిపించాలని కోరుతున్నాను" అంటూ రాసుకొచ్చారు.

సుశాంత్​ తండ్రి

సుశాంత్​ మృతిపై ఇప్పటికే 30 మందికి పైగా విచారించి వారి వాంగ్ములాలను సేకరించారు పోలీసులు. ఇంకా దర్యాప్తు కొనసాగుతూనే ఉంది. అయితే ఈ కేసును ముమ్మరంగా ఛేదించేలా సీబీఐకి బదిలీ చేయాలని సుశాంత్​ అభిమానులు సహా పలువురు సెలబ్రిటీలు డిమాండ్​ చేస్తున్నారు.

ఇది చూడండి :