'హే రంభ' ఐటంసాంగ్​.. 'మాస్ట్రో' వీడియో సాంగ్​

టాలీవుడ్​ కొత్త సినిమా కబుర్లు వచ్చేశాయి. 'మహాసముద్రం' ఐటం సాంగ్​, 'డియర్​ మేఘ' లిరికల్​ సాంగ్​, 'బ్లాక్​' టీజర్​, 'మాస్ట్రో', 'లక్ష్య' సినిమా అప్​డేట్స్​ ఇందులో ఉన్నాయి.

కట్టిపడేసే కొంటె చూపులు, ఆకర్షించే అందచందాలతో గతంలో కుర్రకారు హృదయాలను కొల్లగొట్టారు నటి రంభ. వివాహం అనంతరం సినిమాలకు దూరంగా ఉన్నారు. ఇప్పుడు 'మహాసముద్రం' చిత్రంలో రంభపై ఓ పాట రాశారు. 'మందే ఇక మనదే.. విశాఖపట్నం బీచ్‌.. తాగొచ్చు.. ఊగొచ్చు.. ఏదైనా చేయొచ్చు. కొట్టేయ్‌.. జై కొట్టేయ్‌ మనమంత రంభ ఫ్యాన్సు.. కట్టేద్దాం బ్యానర్సు.. పెట్టేద్దాం కటౌట్సు' అంటూ సాగే ఈ మాస్‌ సాంగ్‌ను శుక్రవారం ఉదయం చిత్రబృందం విడుదల చేసింది. చైతన్‌ భరద్వాజ్‌ ఆలపించిన ఈ పాటకు శర్వానంద్‌, జగపతిబాబు స్టెప్పులేశారు. ప్రస్తుతం ఈ పాట సినీ సంగీత ప్రియుల్ని ఆకర్షిస్తోంది. 'ఆర్‌ఎక్స్‌ 100' చిత్రంతో విజయాన్ని అందుకున్న అజయ్‌ భూపతి రెండో చిత్రంగా 'మహా సముద్రం' తెరకెక్కుతోంది. శర్వానంద్‌, సిద్ధార్థ్‌ ప్రధానపాత్రల్లో కనిపించనున్నారు. అను ఇమ్మాన్యుయేల్‌, అదితీ రావు హైదరీ కథానాయికలు. జగపతిబాబు, రావు రమేశ్‌ ఈ సినిమాలో కీలకపాత్రలు పోషిస్తున్నారు. ఇటీవల చిత్రీకరణ పూర్తి చేసుకున్న ఈ చిత్రం ప్రస్తుతం పోస్ట్​ ప్రొడక్షన్‌ పనుల్లో బిజీగా ఉంది.

• " class="align-text-top noRightClick twitterSection" data="">

'గుండెల్లో కన్నీటి మేఘం'

మేఘా ఆకాశ్, అరుణ్ అదిత్ కలిసి నటిస్తున్న చిత్రం 'డియర్ మేఘ'. ఈ సినిమా ట్రైలర్​ ఇటీవలే విడుదలై ప్రేక్షకాదరణ దక్కించుకుంది. ఇప్పుడీ చిత్రం నుంచి 'గుండెల్లో కన్నీటి మేఘం' అనే లిరికల్​ సాంగ్​ను శనివారం(ఆగస్టు 7) ఉదయం 10 గంటలకు విడుదల చేయనున్నట్లు చిత్రబృందం ప్రకటించింది. అరుణ్ దాస్యం దర్శకత్వం వహించారు. త్వరలో విడుదల తేదీపై స్పష్టత ఇవ్వనున్నారు.

'డియర్​ మేఘ' లిరికల్​ సాంగ్​ అప్​డేట్

'బ్లాక్​' టీజర్​

యువకథానాయకుడు ఆది సాయికుమార్‌, దర్శనా బానిక్‌ జంటగా చిత్రం 'బ్లాక్​'. జి.బి.కృష్ణ దర్శకత్వం వహిస్తుండగా.. మహంకాళి దివాకర్‌ నిర్మిస్తున్నారు. ఈ చిత్ర టీజర్​ను ప్రముఖ కథానాయకుడు సుధీర్​ బాబు శనివారం(ఆగస్టు 7) ఉదయం 10 గంటలకు విడుదల చేయనున్నారు.

'బ్లాక్​' సినిమా టీజర్​ అప్​డేట్​

'వెన్నెల్లో ఆడపిల్ల'

నితిన్ 'మాస్ట్రో' చిత్రం నుంచి ఇప్పటికే విడుదలైన రెండు లిరికల్స్​ సాంగ్స్​ ప్రేక్షకాదరణ పొందుతున్నాయి. ఇప్పుడీ సినిమా నుంచి 'వెన్నెల్లో ఆడపిల్ల' ఫుల్​వీడియోను శుక్రవారం సాయంత్రం 5.04 గంటలకు విడుదల చేయనున్నట్లు చిత్రబృందం ప్రకటించింది. హిందీ హిట్ 'అంధాధున్' రీమేక్​గా దీనిని తీశారు. నభా నటేష్, తమన్నా ప్రధాన పాత్రల్లో నటించారు. మేర్లపాక గాంధీ దర్శకుడు.

'మాస్ట్రో' సినిమా అప్​డేట్​

వర్కింగ్​ స్టిల్స్​

నాగశౌర్య హీరోగా నటిస్తున్న కొత్త చిత్రం 'లక్ష్య'. ఆర్చరీ నేపథ్యంతో రూపొందుతోన్న ఈ చిత్రానికి సంతోష్​ జాగర్లపూడి దర్శకత్వం వహించారు. ఈ సినిమాకు సంబంధిచిన కొన్ని వర్కింగ్​ స్టిల్స్​ను చిత్రబృందం విడుదల చేసింది.

'లక్ష్య' సినిమా వర్కింగ్​ స్టిల్​

'లక్ష్య' సినిమా వర్కింగ్​ స్టిల్​

'లక్ష్య' సినిమా వర్కింగ్​ స్టిల్​

ఇదీ చూడండి.. హాట్ పోజులతో కట్టిపడేస్తోన్న శిల్పా మంజునాథ్