బీబీ3: పవర్ఫుల్ రోల్లో హీరో శ్రీకాంత్! - హీరో శ్రీకాంత్ వార్తలు

బాలకృష్ణ-బోయపాటి కాంబోలో తెరకెక్కుతోన్న చిత్రంలో కథానాయకుడు శ్రీకాంత్ ఓ కీలకపాత్ర పోషిస్తున్నారు. ఈ విషయాన్ని తెలియజేసే విధంగా.. శ్రీకాంత్ పుట్టినరోజు సందర్భంగా శుభాకాంక్షలు తెలియజేస్తూ చిత్రబృందం బుధవారం ట్వీట్ చేసింది.

Hero Srikanth plays powerful role in BB3 movie

బీబీ3: పవర్ఫుల్ రోల్లో హీరో శ్రీకాంత్!

Published : Mar 24, 2021, 11:11 AM IST

Updated : Mar 24, 2021, 12:31 PM IST

కథానాయకులను శక్తిమంతమైన ప్రతినాయకులుగా చూపించడం దర్శకుడు బోయపాటి శ్రీనుకే చెల్లింది. ఇప్పటికే 'లెజండ్'తో జగపతిబాబు, 'వినయ విధేయ రామ'తో వివేక్ ఒబెరాయ్, 'సరైనోడు'తో ఆదిపినిశెట్టిని విలన్లుగా మార్చేసి మెప్పించారు. ఇప్పుడిదే పంథాలో మరో హీరోను ప్రతినాయకుడి‌గా మార్చేందుకు సిద్ధమయ్యారని టాలీవుడ్లో ప్రచారం జరుగుతోంది.

ప్రస్తుతం నందమూరి బాలకృష్ణతో 'బీబీ3' (వర్కింగ్టైటిల్) సినిమా తీస్తున్నారు. ఇందులో హీరో శ్రీకాంత్‌ ఓ కీలకపాత్రలో నటించనున్నారని గతంలో ప్రచారం జరిగింది. బుధవారం శ్రీకాంత్ పుట్టినరోజు సందర్భంగా ఆయనకు శుభాకాంక్షలు తెలుపుతూ చిత్రబృందం ట్వీట్ చేసింది. దీంతో బాలకృష్ణ-బోయపాటి చిత్రంలో శ్రీకాంత్ నటిస్తున్నట్లు అధికారిక ప్రకటన వచ్చేసినట్టే! అయితే ఈ చిత్రంలో శ్రీకాంత్ ప్రతినాయక పాత్రలో నటిస్తున్నారా? అనే దానిపై స్పష్టత రాలేదు.