Akhanda pre release event: బోయపాటి దర్శకత్వంలో నందమూరి నటసింహం బాలకృష్ణ హీరోగా తెరకెక్కిన 'అఖండ' సినిమా ప్రీ రిలీజ్ ఈవెంట్ ఘనంగా జరిగింది. అల్లు అర్జున్, దర్శకధీరుడు రాజమౌళి ఈ వేడుకకు ముఖ్య అతిథులుగా విచ్చేశారు. హైదరాబాద్లోని శిల్పకళా వేదికలో ఈ ఈవెంట్ జరిగింది. ఈ సందర్భంగా ఈ చిత్రానికి సంబంధించిన కొత్త ట్రైలర్ను విడుదల చేశారు హీరో అల్లు అర్జున్. ఈ ప్రచార చిత్రంలో బాలయ్య డైలాగ్లు, యాక్షన్ అదిరిపోయింది.
"బాలకృష్ణ ఈ లెవల్లో ఉండటానికి రెండు కారణాలు. సినిమాపై ఆయనకు ఉన్న ఆసక్తి, డిక్షన్. ఆయనలా డైలాగ్లు ఎవరూ చెప్పలేరు. సీనియర్ ఎన్టీఆర్ తర్వాత ఆయనకు మాత్రమే ఇది సాధ్యం. బాలయ్య ఎప్పుడు రియాలిటీగా ఉంటారు. కల్మషం లేని వ్యక్తి. ఆయనలో నాకు నచ్చే క్వాలిటీ అదే. అందుకే ఆయనకు ఇంత పెద్ద ఫ్యాన్ ఫాలోయింగ్ ఉంది. 'అఖండ' సినిమా విజయవంతం కావాలని కోరుకుంటున్నా. ఈ సినిమా తెలుగు చిత్రపరిశ్రమకు వెలుగునివ్వాలని ఆశిస్తున్నా. బోయపాటి శ్రీను గారంటే చాలా ఇష్టం. 'భద్ర' సినిమా నేను చేయాల్సింది. కానీ ఆర్య ఉండటం వల్ల అది కుదరలేదు. బోయపాటి కెరీర్ చిన్న స్థాయి నుంచి ఉన్నత స్థాయికి వెళ్లడం చాలా సంతోషంగా ఉంది. నన్ను ఇష్టపడే వ్యక్తుల్లో ఆయనొకరు. బాలకృష్ణ-బోయపాటి కాంబినేషన్ గురించి ప్రత్యేకంగా చెప్పనక్కర్లేదు. ఈ సినిమా ట్రైలర్ చూస్తుంటే అర్థమైపోయింది.. సినిమా ఏ స్థాయిలో ఉండబోతుందో అని. ప్రగ్యా జైస్వాల్కు ఈ సినిమా కెరీర్లో మరింత ముందుకు వెళ్లడానికి ఉపయోగపడుతుందని ఆశిస్తున్నాను. శ్రీకాంత్ నాకు అన్నయ్యలాంటివారు. ఇక నుంచి మీరు కొత్త శ్రీకాంత్ను చూస్తారు. ప్రతిఒక్కరికీ ధన్యవాదాలు. తెలుగు ప్రేక్షకులు తెలుగు సినిమాను ప్రేమించినంతగా.. ప్రపంచంలో ఏ ప్రేక్షకులు కూడా ఏ సినిమాను తెలుగు వారిలాగా ప్రేమించలేరు. జై బాలయ్య.
-అల్లుఅర్జున్, హీరో
బాలయ్య-అల్లు అర్జున్
ఈ చిత్రంలో బాలయ్య అఘోరాగా విభిన్న పాత్రలో కనిపించనున్నారు. ప్రగ్యా హీరోయిన్గా చేసింది. శ్రీకాంత్, పూర్ణ కీలకపాత్రలు పోషించారు. తమన్ సంగీతమందించారు. మిర్యాల రవీందర్రెడ్డి నిర్మించారు.
ఇదీ చూడండి: బాలయ్య ఓ ఆటమ్ బాంబు: రాజమౌళి
