హైదరాబాద్ టైమ్స్ ప్రకటించిన పాపులర్ మెయిల్-2020 జాబితాలో విజయ్ దేవరకొండ అగ్రస్థానంలో నిలిచాడు. ఈ స్థానంలో నిలవడం విజయ్కు వరుసగా మూడోసారి. గత రెండేళ్లూ ఇతడే నెంబర్ వన్ స్థానం సంపాదించాడు. దేవరకొండ తర్వాత రామ్ పోతినేని, జూనియర్ ఎన్టీఆర్, రామ్ చరణ్, నాగశౌర్య వరుసగా టాప్-5 స్థానాలు దక్కించుకున్నారు. టైమ్స్ జాబితాలో స్థానం సంపాదించడం నాగశౌర్యకు ఇదే మొదటిసారి.
గతేడాది మూడో స్థానంలో నిలిచిన రామ్ ఈసారి రెండుకు, 19వ స్థానంలో ఉన్న తారక్ మూడో స్థానానికి ఎగబాకారు. అలాగే గతంలో రెండో ర్యాంకులో ఉన్న చరణ్ రెండుస్థానాలు దిగజారి నాలుగుకు పడిపోయాడు. అల్లు అర్జున్ 2019లో 12వ స్థానంలో ఉండగా ఈ ఏడాది 16తో సరిపెట్టుకున్నాడు.
హైదరాబాద్ టైమ్స్ టాప్-10 జాబితా
- విజయ్ దేవరకొండ
- రామ్ పోతినేని
- జూనియర్ ఎన్టీఆర్
- రామ్ చరణ్
- నాగశౌర్య
- నాగచైతన్య
- ముస్తఫా దావూద్
- సల్మాన్ జైదీ
- సందీప్ కిషన్
- నవదీప్
