మాల్దీవుల సముద్రతీరాలు..తారల అందాలతో వేడెక్కుతున్నాయి. హీరోయిన్స్‌ అంతా విహారయాత్రకు మాల్దీవులనే ఎంచుకుంటున్నారు. కాజల్‌, రకుల్‌, తాప్సీ లాంటి కథానాయికలు ఇప్పటికే అక్కడ దిగిన ఫొటోలతో సామాజిక మాధ్యమాల్లో హల్‌చల్‌ చేస్తున్నారు. ప్రస్తుతం హన్సిక మాల్దీవులకే షికారుకెళ్లింది.
అంతేకాదు అక్కడ తను దిగిన హాట్‌హాట్‌ ఫొటోలనూ ఎప్పటికప్పుడు సోషల్‌ మీడియాలో పోస్ట్‌ చేస్తూనే ఉంది. ఇప్పటికే అరడజనుకు పైగా చిత్రాలను తన వాల్‌ మీద పంచుకుందీ ముద్దుగుమ్మ. "సాగరకన్యలున్నది..వాస్తవమే. శాస్త్రవేత్తల చేతిలో మోసపోకండి" అంటూ సరదా వ్యాఖ్యను జత చేసింది. హన్సిక నటించిన 'నషా' అనే వెబ్‌సిరీస్‌ అమెజాన్‌ ప్రైమ్‌లో విడుదలకు సిద్ధంగా ఉంది. దీన్ని తెలుగు దర్శకుడు జి.అశోక్‌ తెరకెక్కించారు.
