1999 కార్గిల్ యుద్ధంలో ఎంతో ధైర్యసాహసాలు ప్రదర్శించి, యుద్ధ ప్రాంతంలోకి వెళ్లిన మొదటి భారత మహిళా వాయుసేన అధికారిగా చరిత్ర సృష్టించారు గుంజన్ సక్సేనా. ఆమె జీవితాధారంగా రూపొందిన చిత్రమే 'గుంజన్ సక్సేనా: ది కార్గిల్ గర్ల్'. జాన్వీ కపూర్ హీరోయిన్గా నటించింది. తాజాగా ఈ సినిమా ట్రైలర్ విడుదలైంది. భావోద్వేగభరితమైన సన్నివేశాలతో ఆకట్టుకునేలా ఉంది.
- " class="align-text-top noRightClick twitterSection" data="">
కరోనా కారణంగా ఈ సినిమా విడుదల తేదీ వాయిదా పడింది. అయితే థియేటర్లు ఇప్పుడు తెరచుకునే పరిస్థితి లేకపోవడం వల్ల ఓటీటీ వేదికగా విడుదల చేయాలని నిర్ణయించారు. నెట్ఫ్లిక్స్లో ఆగస్టు 12న విడుదల చేయనున్నట్లు ఇటీవలే ప్రకటించింది చిత్రబృందం.
ఈ సినిమాలో పంకజ్ త్రిపాఠి, వినీత్ సింగ్, అంగద్ బేడి, మానవ్ విజ్ ఇతర పాత్రల్లో నటించారు. శరణ్ శర్మ దర్శకత్వం వహించారు. జీ స్టూడియోస్, ధర్మ ప్రొడక్షన్స్ సంయుక్తంగా నిర్మిస్తున్నాయి.
