గేమ్ ఆఫ్ థ్రోన్స్ సిరీస్తో పేరు తెచ్చుకున్న ప్రముఖ నటుడు బ్రెండన్ కోవెల్... మరో పెద్ద సినిమాలో అవకాశం దక్కించుకున్నాడు. హాలీవుడ్ దర్శక దిగ్గజం జేమ్స్ కామెరూన్ రూపొందిస్తున్న అవతార్ సీక్వెల్ చిత్రాల్లో ఓ కీలక పాత్రలో నటించనున్నాడు బ్రెండన్.
పాండోరా గ్రహంలో నిధి వెతికే ఓ ప్రైవేట్ సెక్టార్ మెరైన్కు కెప్టెన్ అయిన మిక్ స్కోర్స్బీ పాత్ర కోసం బ్రెండన్ను ఎంచుకుంది చిత్రబృందం. అతడు గేమ్ ఆఫ్ థ్రోన్స్ ఏడో భాగంలో కనిపించే హరాగ్ పాత్ర ద్వారా గుర్తింపు తెచ్చుకున్నాడు. త్వరలో అవతార్ చిత్రీకరణలో పాల్గొననున్నాడు.
అవతార్ కుటుంబంలోకి బ్రెండన్ని ఆహ్వానిస్తున్నాం. ఈ సినిమాలో మిక్ స్కోర్స్బీ అనే కీలక పాత్రలో బ్రెండన్ నటిస్తున్నాడు -జాన్ లాన్డౌ, అవతార్ నిర్మాత
2009లో వచ్చిన అవతార్ సినిమా ఘనవిజయం సాధించింది. అత్యధిక వసూళ్లు సాధించిన చిత్రంగా రికార్డుకెక్కింది. ఈ సినిమాకి రెండు సీక్వెల్స్ని తెరకెక్కిస్తున్నారు. తొలి భాగాన్ని 2020 డిసెంబర్ 18న విడుదల చేయనుంది చిత్రబృందం.
