హాలీవుడ్ హీరోయిన్ ఫ్రిదా పింటో.. తన ప్రియుడు, అమెరికన్ ఫొటోగ్రాఫర్ కారీ ట్రాన్ పుట్టిన రోజున మరిచిపోలేని బహుమతిచ్చింది. అతడితో నిశ్చితార్థం చేసుకొని ఫొటోలను ఇన్స్టాలో షేర్ చెసిందీ ముద్దుగుమ్మ. తన జీవితంలో ట్రాన్ ఎంత ముఖ్యమో వివరిస్తూ ఓ వ్యాఖ్య జోడించింది.
"నా జీవితానికి అర్థం ఇదే. గతంలో కన్నీళ్లకు, పరీక్షలకు ఫలితం ఇదే. ప్రేమ గురించి పాత ప్రేమికులు చెప్పిన దానికి సారమిదే. ఇప్పుడు నేను ఎక్కడున్నానో, ఎక్కడికెళ్లాలని అనుకుంటున్నానో ప్రతి దానికి గమ్యమిదే. నా జీవితంలోకి అడుగుపెట్టి ఎప్పటికీ నిలిచి ఉండే అద్భుతం నువ్వే. ఇలాగే ఉండిపో. మనస్ఫూర్తిగా నీకు ప్రేమతో పుట్టినరోజు శుభాకాంక్షలు"
-ఫ్రిదా పింటో, సినీ నటి
'స్లమ్డాగ్ మిలీనియర్' సినిమాతో ప్రేక్షకులను ఎంతగానో ఆకట్టుకుందీ భామ. హాలీవుడ్లో చాలా చిత్రాల్లో నటించి గుర్తింపు తెచ్చుకుంది. కథానాయిక ప్రాధాన్య చిత్రాలతో మెప్పించింది. రెండేళ్ల పాటు ట్రాన్తో ప్రేమ ప్రయాణం కొనసాగించింది.
ఇంతకుముందు 'స్లమ్డాగ్ మిలినియర్' హీరో దేవ్ పటేల్తో 2008-2014 వరకు ఆరేళ్లు ప్రేమాయణం సాగించినట్లు అప్పట్లో వార్తలు వచ్చాయి.
ఇది చదవండి: 'రూలర్' టీజర్తో అదరగొట్టిన బాలకృష్ణ
