చిత్రపరిశ్రమలో తన శరీర ఛాయ గురించి వస్తున్న కామెంట్లపై తాజాగా స్పందించింది నటి బిపాసా బసు. 'చాలా సన్నగా', 'చాలా లావుగా' ఉన్నావంటూ బాడీ షేమింగ్ కామెంట్లతోనే పరిశ్రమలో పట్టుదలగా నిలబడినట్లు వెల్లడించింది. ఇలా తనపై ఎన్నో విమర్శలు వచ్చినా పట్టించుకోకుండా ముందుకు సాగానని ఇటీవల ఓ ఇంటర్వ్యూలో వెల్లడించింది.
"చిత్రపరిశ్రమకు వచ్చిన తొలినాళ్లలో నేను సన్నగా ఉన్నానని అన్నారు. ఇప్పుడు చాలా లావుగా ఉన్నానని అంటున్నారు. ఇలాంటి కామెంట్లు చాలా హాస్యాస్పదంగా ఉంటాయి. ఆ వ్యాఖ్యల్లో మూర్ఖత్వం కనిపిస్తుంది. గోధుమ రంగు శరీరవర్ణం గల దేశంలో నేను పుట్టాను. కానీ, నా శరీర ఛాయ గురించి మాట్లాడటం నాకు నవ్వు తెప్పిస్తుంది. నేను తెల్లగా అవ్వటానికి ఎలాంటి ఉత్ప్రేరకాలు ఉపయోగించలేదు. నా శరీర ఛాయ మెరుగు కోసం స్కిన్ లైటనింగ్ చేయించుకున్నాననే రూమర్ల గురించి నేనూ విన్నాను. కానీ వాటిని పట్టించుకోకుండా ముందుకు సాగాను".
-బిపాసా బసు, బాలీవుడ్ నటి
2001లో సూపర్ మోడల్గా ఎంపికైన బిపాసా బసు.. ఆ తర్వాత 'అజ్నాబీ' చిత్రం ద్వారా బాలీవుడ్లో అడుగుపెట్టింది. ఆ తర్వాతి ఏడాది విడుదలైన హార్రర్ చిత్రం 'రాజ్'లో నటనతో మంచి ప్రశంసలు అందుకుంది. 'జిస్మ్', 'ధూమ్ 2', 'రేస్', 'బచ్నా ఏ హసీనా' వంటి సినిమాలతో మంచి గుర్తింపు తెచ్చుకుంది బిపాసా.
ఐదేళ్ల విరామం తర్వాత 'అలోన్' చిత్రం ద్వారా రీఎంట్రీ ఇస్తోంది నటి బిపాసా బసు. తన భర్త కరణ్ సింగ్ గ్రోవర్తో కలిసి నటించిన 'డేంజరస్' చిత్రం ఎపిసోడిక్ సిరీస్ ఆగస్టు 14న ఎమ్ఎక్స్ ప్లేయర్లో విడుదల కానుంది. 2016లో కరణ్ సింగ్ గ్రోవర్, బిపాసా బసు పెళ్లి చేసుకున్నారు.
